लोहा| एक वृक्ष लागवड केल्या नंतर त्यांचे संगोपन व संवर्धन आपण केले पाहिजे ते जीवन आहे. असे प्रतिपादन वट पौर्णिमेच्या निमित्ताने वटवृक्ष वाटप करताना भाजपा महिला मोर्चा प्रदेश उपाध्यक्ष प्राणिताताई देवरे चिखलीकर यांनी केले. गेल्या आठ वर्षा पासून हा उपक्रम त्या राबवितात.
दरवर्षी प्रमाणे यंदाही वटपूर्णिमेच्या निमित्ताने लोहा शहरात महिलांना वृक्ष रोपांचे वाण व वटवृक्ष लागवड कार्यक्रम भाजपा महिला मोर्चाच्या प्रदेश उपाध्यक्षा प्राणिताताई देवरे चिखलीकर यांच्या पुढाकाराने घेण्यात आला. यावेळी महिला मोर्चाच्या जिल्हाध्यक्षा चित्ररेखाताई गोरे, वैशाली प्रवीण पाटील चिखलीकर ,लोहा नगरपालिकेच्या नगरसेविका कल्पनाताई मुकदम, पंचायत समिती माजी सदस्य सौ. सुरेखा वाले, लोहा, माजी नगरसेविका शोभाताई बगाडे, महिला मोर्चाच्या लोहा तालुका अध्यक्षा सविता सातेगावे सह शहरातील महिलांची मोठ्या संख्येने उपस्थिती होती. सलग आठव्या वर्षी हा उपक्रम राबवून पर्यावरणाचे संवर्धन करण्याचा हा माझा छोटासा प्रयत्न एक वृक्ष एक जीवन आहे असे प्राणिताताई यांनी सांगितले.
