हिमायतनगर| शहरात धम्मचक्र प्रर्वतनदिनाच्या निमित्ताने येथील बौद्ध समाज बांधवानी शहरातील मुख्य रस्त्याने डॉ. बाबासाहेब आंबेडकर यांच्या प्रतिमेसह पंचरंगी ध्वज असलेल्या वाहनांची भव्य शोभा यात्रा काढली होती.
धम्म चक्र प्रवर्तन दिनाची शोभायात्रा शहरातील ठिकठिकाणच्या चौकात येताच अनेक राजकीय नेत्यांनी डॉ. बाबासाहेब आंबेडकरांच्या प्रतिमेचे पूजन करून अभिवादन केले. तसेच शहरातील परमेश्वर मंदिर मैदानात येताच फुलांची उधळण करत मिरवणुकीचे स्वागत करण्यात आले. यावेळी युवकांनी डीजेच्या तालावर ठेका धरला होता. या मिरवणुकीत शेकडो महिलां - पुसरुषांसह युवकांनी सहभाग घेतला. मिरवणूक शांततेत पार पडावी म्हणून पोलीस निरीक्षक भुसनूर यांनी चोख पोलीस बंदोबस्त लावला होता.
