.jpg)
नांदेड| विश्वरत्न डॉ. बाबासाहेब आंबेडकर यांची जयंती जगभरात मोठ्या उत्सहात साजरी केली जाते. डॉ. बाबासाहेब आंबेडकर यांच्या विचारांची आज समाजाला खरी गरज असून शिका, संघटीत व्हा, संघर्ष करा हा त्यांनी दिलेला संदेश आजही समाजात लागू पडतो. बाबासाहेबामुळे बहुजन समाजाची उन्नती झाल्याचे दिसून येत असल्याचे असे प्रतिपादन ज्येष्ठ पत्रकार, अखिल भारतीय आंबेडकर महासभेचे जिल्हाध्यक्ष श्रावण नरवाडे यांनी केले.
दरवर्षी प्रमाणे याही वर्षी डॉ. बाबासाहेब आंबेडकर यांच्या जयंतीचे औचीत्य साधुन आंबेडकर पुतळ्या शेजारी अखिल भारतीय आंबेडकर महासभेच्या वतीने अन्नदान ठेवण्यात आले होते यावेळी ते बोलत होते. यावेळी महिला आघाडी जिल्हाध्यक्षा अनिता गोडबोले, युवा जिल्हाध्यक्ष दिपक साळवे, जिल्हा उपाध्यक्ष रोहिदास डांगे, जिल्हा संघटक अॅड. विजय रत्नपारखे, जिल्हा सचिव तुळशिराम कोकरे, व्यापारी आघाडी जिल्हाध्यक्ष शुद्धोधन पाईकराव, नांदेड तालुकाध्यक्ष विजय डोईबळे आदींची उपस्थिीती होती.
