स्वातंत्र्याचा अमृतमहोत्सव समितीतर्फे भारतमाता पूजन
हिमायतनगर, अनिल मादसवार| येथील तहसील, पंचायत समिती, पोलीस ठाणे, नगरपंचायत, ग्रामीण रुग्णालयासह इतर शासकीय व निमशासकीय कार्यालयात दि.२६ जानेवारी रोजी ७३ वा प्रजासत्ताक दिनी तिरंगा ध्वजारोहण करून उत्साहपूर्ण वातावरणात साजरा करण्यात आला. यावेळी उपस्थितांनी राष्ट्रध्वजाला सलामी देऊन मानवंदना दिली. तसेच येथील परमेश्वर मंदिर परिसरात स्वातंत्र्याचा अमृतमहोत्सव समिती वाढोणा तर्फे भारतमाता पूजन करण्यात येऊन राष्ट्रगीताने कार्यक्रम संपन्न झाला.
शहरातील दिवाणी न्यायालयात न्यायाधीश यांच्या हस्ते ध्वजारोहण करण्यात आले, तहसिल कार्यालयात तहसीलदार डी. एन गायकवाड यांच्या शुभहस्ते ध्वजारोहण करण्यात आले. यासह शहरातील अनेक शासकीय व निमशासकीय कार्यालयात संबंधित प्रमुखांच्या हस्ते मान्यवरांच्या उपस्थितीत ध्वजारोहण करण्यात आले. यावेळी तहसील कार्यालयात पोलीस उपनिरीक्षक चौधरी व त्यांच्या सहकार्यांनी तिरंगा ध्वजास मानवंदना दिल्यानंतर राष्ट्रगीत संपन्न झाले.
पोलीस स्थानकामध्ये पोलीस निरीक्षक अशोक अंनत्रे यांच्या हस्ते हस्ते ध्वजारोहण करण्यात आले. यावेळी पोलीस कर्मचाऱ्यांनी पथसंचलन करून देशाप्रती आपली भावना प्रकट केली. नगरपंचायत कार्यालयात प्रशासक मुख्याधिकारी तथा तहसीलदार डी.एन.गायकवाड यांनी ध्वजारोहण केले आहे. डाक विभागात पोस्ट मास्तर यांच्या हस्ते ध्वजारोहण करण्यात आले. पंचायत समिती कार्यालयात सभापती सौ. सुरेखाताई बापूराव आडे यांच्या हस्ते, कृषी उत्पन्न बाजार समितीच्या आवारात सभापती डॉ. प्रकाश वानखेडे यांनी ध्वजारोहण केले. वनपरिक्षेत्र अधिकारी कार्यालयात अधिकारी सौ संध्याताई डोके यांनी ध्वजारोहण केले, तालुका कृषी कार्यालयात कृषि अधिकारी यांच्या हस्ते ध्वजारोहण करण्यात आले.
ग्रामीण रुग्णालयात वैद्यकीय अधिकारी देविदास गायकवाड यांच्या हस्ते ध्वजारोहण झाले. यावेळी सर्वप्रथम महात्मा गांधीजींच्या प्रतिमेचे पूजन करण्यात आले. हुतात्मा जयवंतराव पाटील माध्यमिक व उच्च माध्यमिक शाळेत, राजा भगीरथ माध्यमिक व उच्च माध्यमिक शाळेत संचालकांच्या हस्ते, बालाजी विद्यालय, जिल्हा परिषद हायस्कूल जिल्हा परिषद कन्या शाळेत, रेल्वे स्थानक कार्यालय, दुय्यम निबंधक कार्यालयात, भुमी अभिलेख कार्यालय, जिल्हा मध्यवर्ती सहकारी बँके, भारतीय स्टेट बँकेच्या कार्यालय, महाराष्ट्र ग्रामीण बैंक तर तालुक्यातील विविध गावातील ग्राम पंचायतचे सरपंच शाळेचे मुख्याध्यापक व कार्यालयातील अधिकारी यांच्या हस्ते ध्वजारोहण करून प्रजासत्ताक दिन मोठ्या उत्साहात साजरा करण्यात आला आहे. राष्ट्रगीतानंतर ठिकठिकाणी उपस्थित नागरिकांनी एकमेकांना प्रजासत्ताक दिनाच्या शुभेच्छा दिल्या.
यावेळी नायब तहसीलदार अनिल तामसकर, विकास राठोड, सार्वजनिक बांधकाम विभागाचे उपकार्यकारी अभियंता तुंगेनवार, सुरेश पळशीकर, माजी कृउबा संचालक रफिक सेठ, माजी नगराध्यक्ष अ. अखिल अ.हमीद, आशिष सकवान, विठ्ठलभाऊ ठाकरे, सरदार खान, डॉ.प्रकाश वानखेडे, अल्पसंख्यांक जिल्हा उपाध्यक्ष फेरोजखान पठाण, सौ.लक्ष्मिबाई भवरे, पुष्पलता खंबायतकर, पंचफूलबाई लोणे, अक्कलवाड सर, व्यंकटराव चवरे, वऱ्हाडे सर, परमेश्वर गोपतवाड, संजय माने, गोविंद बंडेवार, सुभाष शिंदे, अश्रफ भाई, मो.जावेद भाई अ.गन्नी, ज्ञानेश्वर शिंदे, अनंता देवकते, माधवराव पाळजकर, खुदुस मौलाना, बाखी सेठ, सावन डाके, हनिफ सर, हनुसिंग ठाकूर, प्रवीण कोमावार पत्रकार यांच्यासह संबंधित कार्यालयाचे अधिकारी-कर्मचारी, प्रतिष्ठित नागरीक मोठ्या संख्येने उपस्थित होते.
स्वातंत्र्याचा अमृतमहोत्सव समितीतर्फे भारतमाता पूजन
हिमायतनगर येथील श्री परमेश्वर मंदिर परिसरात स्वातंत्र्याचा अमृतमहोत्सव समिती वाढोणा तर्फे भारतमाता पूजन करण्यात येऊन राष्ट्रगीत संपन्न झाले. यावेळी श्याम रायेवार, पांडुरंग तुप्तेवार, आशिष सकवान, खंडू चव्हाण, रामभाऊ सूर्यवनशी, भाटे सर, परमेश्वर तीम्मापुरे, अमोल पेन्शनवार, सोनू कोमावार, सुधाकर चिट्टेवार, हरिश्चंद्र ताडकुले, वामन मिराशे, अनिल भोरे, परमेश्वर सूर्यवंशी, अजय बेदरकर, सुंकुलवार, अमोल पिंपळे, दुर्गेश मांडोजवार, आदींसह शहरातील अनेक नागरिक मोठ्या संख्येने उपस्थित झाले होते.
