हिमायतनगर| सामान्य रुग्णालय, नांदेड यांच्या सूचनेननुसार जिल्हा मानसिक आरोग्य कार्यक्रम अंतर्गत भव्य आरोग्य तपासणी शिबीराचे आयोजन जिल्हा शल्य चिकीत्सक डॉ. निळकंठ भोसीकर, जिल्हा आरोग्य अधिकारी, डॉ. बालाजी शिंदे, यांच्या सूचनेवरून ग्रामीण रूग्णालय, हिमायतनगर तर्फे दि.२७ जानेवारी रोज गुरूवारी सकाळी १०:०० ते दुपारी २:०० वाजेदरम्यान करण्यात आले आहे. या शिबिराचा हिमायतनगर शहर व ग्रामीण भागातील नागरिकांनी लाभ घ्यावा असे आवाहन वैद्यकीय अधीक्षक डॉ.डी.डी.गायकवाड, मानसोपचार तज्ञ डॉ. प्रणद जोशी यांनी केले आहे.
सार्वजनीक आरोग्य कार्यक्रमाअंतर्गत मानसिक आरोग्य विभाग नांदेड यांचे मार्फत दि.२७ जानेवारी २०२२ ला आरोग्य शिबीर राबविण्यात येत आहे. या कार्यक्रमा अंतर्गत॑ विविध कार्यक्रमाचे आरोग्य शिबीराचे आयोजन करण्यात आले आहे. दि.२७ जानेवारी २०२२ रोजी ग्रामीण रूग्णालय, हिमायतनगर या परिसरात भव्य आरोग्य शिबीराचे आयोजन करण्यात आले आहे. या शिबीरामध्ये प्रामुख्याने मानसिक आरोग्य, आत्महत्या, प्रतिवंधात्मक कार्यक्रम, व्यसन समस्या, हृदय तपासणी व तसेच योग विषयक माहिती यांच्याबद्दल योग्य तज्ञामार्फत मोफत तपासणी व सल्ला दिला जाणार आहे.
ज्याद्वारे संबंधित रुग्ण व जनसामान्यांना त्यांचा आरोग्य प्रिषयक , अडचणी विषयी बहुमोल मार्गदर्शन मिळेल. तरी सर्व हिमायतनगर तालुक्यातील व शहरातील नागरिकांना ग्रामीण रुग्णालय येथे शिबीराचा लाभ घेता येईल. या आरोग्य शिबीरामध्ये मेंदु रोग, पॅरालेसीस, पारकिन्सोनिझन, डिप्रेशन/चिंता/बेचेनीचे आजार, जुनाट डोकेदुखी, व्यसन समस्या, फिट/मिरगी/आकडी समस्या, लैंगिक समस्या झोपेचे आजार, हृदय आजार व छातीचे आजार, वयोवृध्द लोकांमध्ये असलेले /विसराळूपणा लहान मुलांमधील किंवा शालेय विद्यार्थ्यामध्ये असलेले मानसिक तानतणाव व इत॑र मानसिक आजारावर तपासणी केल्या जाईल. तसेच समतोल आहार मार्गदर्शन व योग विषयक मार्गदर्शन केल्या जाईल. या शिबिरात तपासणीसाठी येताना रुग्णांनी पुर्वी घेतलेल्या उपचार विषयक सर्व फाईल्स, व रिपोर्टस धेवून येणे. प्रत्येक रुग्णांचे विशेष तज्ञाकडून तपासणी करण्यात येईल असेही प्रसिद्धीस दिलेल्या पत्रकात म्हंटले आहे.
