नगरपंचायत प्रशासनाच्या नाकर्तेपणामुळे हिमायतनगर शहर महिन्याभरापासून अंधारात
हिमायतनगर, अनिल मादसवार| नगरपंचायत पदाधिकाऱ्यांचा कार्यकाळ सम्पल्यानंतर गेल्या वर्ष भरापासून हिमायतनगर शहराला कोणी वाली राहिला नाही. त्यामुळे शहरवासीयांना अनंत अडचणीला सामोरे जावे लागत असून, या समस्या तात्काळ सोविण्यासाठी नगरपंचायतीच्या प्रभारी व जबाबदार अधिकारी कर्मचाऱ्यांनी नागरी सुविधा सोडविण्यासाठी कर्तव्य पार पडणे गरजेचे आहे. मात्र तसे होताना दिसत नाही, त्यामुळे हिमायतनगर शहरातील नागरिकांना पाणी टंचाई, रस्त्यासह अन्य नागरी सुविधांच्या समस्यांना सामोरे जावे लागते आहे. आता तर गेल्या महिन्याभरापासून शहरातील मुख्य रस्त्यावरील व गल्ली बोळातील स्ट्रीट लाईट बंद असल्याने काळोखाचा समान करावा लागतो आहे. त्यामुळे शहरात चोरीसह अन्य घटनांना वाव मिळत आहे. त्यामुळे तात्काळ प्रमुख नागरी समस्या सोडविण्याकडे प्रभारी मुख्याधिकारी व संबंधित विभागाच्या कर्मचाऱ्यांनी लक्ष द्यावे अशी मागणी हिमायतनगर येथील भाजपा तालुकाध्यक्ष आशिष साकवान यांनी नांदेड न्यूज लाईव्हच्या माध्यमातून केली आहे.
हिमायतनगर शहर हे तेलंगाना - विदर्भाच्या मध्यभागी असलेले मराठवाड्यातील नांदेड जिल्ह्यातील शहरात आहे. मागील ७ वर्षांपूर्वी हिमायतनगर शहराचे नगरपंचायतीत रूपांतर झाले. त्यामुळे नागराईकांना सर्व सोई-सुविधा मिळतील अशी रास्त अपेक्षा होती. परंत्तू त्यानंतर देखील शहरातील गैरसोयी म्हणाव्या तेवढ्या दूर झाल्या नसल्याचे ५ वर्षातील काळात झालेल्या कारभारावरून दिसते आहे. शहरात कोट्यवधींच्या निधीतून कामे झाली मात्र बहुतांश रस्तेकामे बोगस झाल्यामुळे बोगस कामे करणाऱ्या कंत्राटदार आणि पदाधिकाऱ्यांनी आपली घरे भरली हे सर्वश्रुत आहे. एवढेच नाही तर स्वच्छ व सुंदर शहराचा दिंडोरा पिटणाऱ्या नगरपंचायतीत स्वच्छता विभागाच्या अधिकारी - कर्मचाऱ्याचा आणि नगरपंचायत बांधकाम विभागाच्या अभियंत्यांचा कारभार उंटावरून शेळ्या हाकण्यासारखा आहे. त्यामुळे शहरातील नाल्याची झालेली अनेक कामे आज घडीला नालीत मिसळून गेली आहेत. त्यामुळे यावर करण्यात आलेला खर्च केवळ स्वतःची तुंबडी भरण्यासाठी केल्या गेल्याचे दिसते आहे.
शहरातील नागरिकांना शुद्ध पाणी व सुरक्षेच्या दृष्टीकोनातून नळयोजना मंजूर झाली मात्र या नळयोजनेच्या पाण्याच्या टाकीचे काम करण्याचे सोडून केवळ शहरात कोट्यवधींच्या निधीतून करण्यात आलेली रस्ते फोडून पाईपलाईन टाकण्यात ठेकेदार धन्यता मनात आहे. त्यामुळे रस्ते खराब झाले असून, पुन्हा याचं रस्त्याच्या दुरुस्तीच्या नावाखाली कोट्यवधींचा झालेला गोलमाल झाकण्याचा प्रयत्न यातून होत आहे असे म्हणणे चुकीचे ठरणार नाही. शहरातील नागरिकांची पाणी टंचाई समस्या कायमस्वरूपी सोडविण्यासाठी मंजूर झालेल्या कामात पाण्याच्या टाकीचे कामंही अर्धवट स्थितीत आहे, त्यामुळे केवळ सांगाडे उभे करून शासनाचा १९ कोटींचा निधी गिळंकृत करण्याचा प्रयत्न यातून राजकीय नेते व ठेकेदार करत असल्याचा संशय बळावला आहे. त्यामुळे आजघडीला हिमायतनगर शहरातल्या बहुतांश वर्डातील बंद असलेल्या बोअरवेलमुळे नागरिकांना पाण्यासाठी भटकन्ती करण्याची वेळ आली आहे. अनेक विंधन विहिरींची दुरुस्ती थातुर माथूर होत असल्याने चार ते आठ दिवसात पुन्हा बोअरवेल बंद पडत असल्याने पाणी असूनही नागरिकांना पाण्यासाठी वणवण फिरण्याची वेळ आली आहे. याबाबत माहिती घेतली असता नगरपंचायत प्रश्नाच्या मागील पदाधिकाऱ्यांनी महावितरण कंपनीची कोट्यवधींची वीजदेयके थकविल्यामुळे शहरारातील सर्वजनिक वीज पुरवठा खंडित करण्यात आल्या समजते. जर शहराच्या विकासासाठी कोट्यवधींची विकास कामे झाली आणि वसुलीही झाली मग महावितरणची देयके का भरली गेली नाही..? मग जमा झालेला टैक्स वसुली आणि इतर करापोटी मिळणाऱ्या निधी कुठे विल्हेवाट लावल्या गेली...? असा प्रश्न या निमित्ताने उपस्थित होतो आहे.
आता तर आणखीन मोठ्या समस्येत भर पडली असून, शहरातील प्रत्येक गल्ली बोळातील आणि मुख्य रस्त्यावरील पथदिवे स्ट्रीट लाईट बंद असल्याने या सर्व भागात रात्रीला काळोख पसरला आहे. त्या अंधाराचा सामना करत नगरपंचायत असलेल्या शहरवासीयांना काळोखात जीवन जगावे लागत आहे. या अंधाराचा फायदा घेत मागील काळात अनेक चॊरीच्या घटना घडल्या आणि घडत आहेत. एवढेच नाहीतर अनेकांच्या दुचाक्या देखील चोरीला गेल्या आहेत. या सर्व प्रकारास नगरपंचायत प्रशासनाचा गलथान कारभार आणि दुर्लक्षितपणा कारणीभूत आहे. एकीकडे मोठ्या प्रमाणात वसुली करण्यासाठी नगरपंचायतीचे अधिकारी - कर्मचारी शहरभर फिरतात आणि दुसरीकडे मात्र नागरी सुविधा उपलब्ध करून देण्यास टाळाटाळ होते. त्यामुळे शहरातील नागरिक मेटाकुटीला आला आहे, या समस्येपासून सुटका देऊन तात्काळ शहरातील बंद पडलेल्या स्ट्रीट लाईट, पथदिवे चालू करून संभाव्य घटनांना आळा घालावी अशी मागणी त्यांनी केली आहे.
अन्यथा नगरपंचायत कार्यालयासमोर लाईट ब्लब फोडो आंदोलन
मागील तीन-चार महिन्यांपासून हिमायतनगर (वाढोणा) शहरामध्ये मोठ्या प्रमाणात स्ट्रीट लाईट बंद पडलेले आहेत. मात्र हिमायतनगर नगरपंचायत प्रशासनाने याकडे दुर्लक्ष केले आहे. शहरातील प्रभाग क्रमांक 9 व 10 यामध्ये संभाजी चौक, श्री गणेश चौक, छत्रपती शिवाजी महाराज चौक, राम मंदिर, गुजरी चौक, जुना आठवडी बाजार लाईन, या परिसरामध्ये मागील तीन ते चार महिन्यांपासून पथदिवे चालू बंद होत आहेत. याकडे लक्ष दिल्या गेले नसल्याने आता तर पथदिवे संपूर्णपणे बंद झाले आहेत. यामुळे या परिसरातील लोकांना रात्री-अपरात्री अर्जंट कामानिमित्त बाहेर निघणे अत्यंत कठीण झाले आहे. या संदर्भात मी स्वता नगरपंचायतीचे अभियंता श्री बाचे यांना वारंवार सूचना दिल्या. मात्र याकडे नगरपंचायत प्रशासनाने जाणीवपूर्वक दुर्लक्ष केले आहे. त्यामुळे तात्काळ शहरातील सार्वजनिक पोलवरील विद्दुत पुरवठा सुरळीत झाला नाहीतर भारतीय जनता पार्टी हिमायतनगर तालुक्याचे वतीने नगरपंचायत कार्यालयासमोर लाईट ब्लब फोडो आंदोलन करण्यात येईल. असा इशारा तालुकाध्यक्ष आशिष सकवान यांनी दिला आहे.
