हिमायतनगर, अनिल मादसवार| नुकतेच हिमायतनगर नगरपंचायत अंतर्गत येणाऱ्या शहरातील विविध ठिकाणी आर.सी.सी. रस्ते व नाली बांधकामासाठी विशेष वैशिष्ट्यपूर्ण योजनेअंतर्गत 03 कोटी रुपयांचा निधी मंजूर करून आणला. त्यातील अनेक कामे सुरु आहेत, अन्य कामेही सुरु करून शहाच्या विकासात भर टाकण्याच्या हेतूने दि. २३ जानेवारी रोजी एन.डी.सी.बँक समोर पळसपूर चौकात हदगाव - हिमायतनगर तालुक्याचे आ. माधवराव पाटील जवळगावकर यांच्या हस्ते विकास कामाच्या शुभारंभ मोठ्या थाटात संपन्न झाला. यावेळी नपचे प्रशासकीय मुख्यधिकारी तथा तहसीलदार डी.एन. गायकवाड यांच्यासह अनेक मान्यवरांची उपस्थिती होती.
हिमायतनगर शहरात अंतर्गत आ.माधवराव पाटील जवळगावकर यांच्या माध्यमातून विविध विकास कामे झाली आणि सुरु आहेत. नुकतेच शहरातील रस्ते व नाल्याच्या कामासाठी ३ कोटींचा निधी मंजूर करून आणला. ज्या भागात नाल्या नाहीत तश्या अनेक भागात रस्त्यावर पाणी येत असल्याने तेथील नाली बांधकाम सुरु करण्यात आली आहेत.शहरातील पळसपूर चौकसह न्यायालय परिसरात अर्धवट राहिलेल्या रस्त्यामुळे पावसाळ्यात चिखलाचा व उन्हाळ्यात खड्ड्याचा त्रास सहन करावा लागत होता. तर अनेक वॉर्डात अनेक अडचणी होत्या, हि बाब लक्षात घेऊन नगरविकास विभागाकडून सदरचे कामे मार्गी लावण्यात आली आहेत.
एवढेच नाहीतर तर आत्तापर्यंत मोठ्या प्रमाणात निधी आणून शहरातील विकास कामे मार्गी लावली एवढीच नाहीतर शहरात कालिंका मंदिर सभागृहाचे काम सुरु आहे, हिमायतनगर पळसपूर डोल्हारी रस्त्याच्या कामाला मंजुरी मिळाली असून, त्याच वर्क ऑर्डर झाली असून, लवकरच काम सुरु होईल. पाणी पुरवठ्याचे काम सुरु असून, फिल्टरच्या कामाचे भूमिपूजन नुकतेच झाले आणि राहिलेल्या कामे लवकरत लवकर मार्गी लावावी यासाठी गुटतदाराला तात्काळ सूचना देऊन राहिलेल्या भागातील पाइपलाइनचे कामही लवकरच केले जाईल यासाठी गुत्तेदारार सूचना देणार असल्याचे आ.माधवराव पाटील जवळगावकर यांनी नांदेड न्यूज लाईव्हशी बोलतांना सांगितले. यावेळी नपचे प्रशासकीय मुख्यधिकारी तथा तहसीलदार डी.एन.गायकवाड, उपकार्यकारी अभियंता तुंगेनवार, शाखा अभियंता डांगे, माजी जी.प.सदस्य सुभाष राठोड, कृउबा सभापती डॉ.प्रकाश वानखेडे, नाजीमचे माजी संचालक गणेश शिंदे, शहराध्यक्ष संजय माने, माजी जी.प.सदस्य समद खान, प्रथम नगराध्यक्ष अखिल भाई, माजी कृउबा सभापती परमेश्वर गोपतवाड, माजी कृउबा संचालक रफिक सेठ, अल्पसंख्यांक विभागाचे जिल्हा उपाध्यक्ष फेरोजखान पठाण, प्रल्हाद पाटील टेम्भूर्णीकर, शिवाजी पाटील सिरपल्लीकर, प्रवीण कोमावार, अल्पसंख्यांक विभागाचे शहराध्यक्ष फेरोज कुरेशी, माजी नगरसेविका सौ.लक्ष्मीबाई भवरे, श्रीमती पंचफुलाबाई लोणे, अनिल पाटील, शे.रहीम पटेल, अनंता देवकते, बाकी सेठ, आबाराव पाटील जोगदंड, अस्लम पठाण, पंडित ढोणे, शासकीय गुत्तेदार सुरेश पळशीकर, सर्व पत्रकार, नगरपंचायतीचे अधिकारी, कर्मचारी, आदींसह नागरिक उपस्थिती होती.
आज रोजी शहरातील वार्ड क्रमांक १० मधील पाटील हास्पिटल ते नडव्याच्या पुलापर्यंत नाली बांधकाम करणेसाठी ०१ कोटी २५ लाख, वार्ड क्रमांक ११ मध्ये सि. सि.रस्ता व नाली बांधकाम करणेसाठी १५ लाख, वार्ड क्रमांक ११ मध्ये सि. सि. रस्ता व नाली बांधकाम करणेसाठी २० लाख, वार्ड क्रमांक १३ मध्ये नाली बांधकाम करणेसाठी २० लाख रुपये, वार्ड क्रमांक ०६ मध्ये सि. सि. बांधकाम करणेसाठी १५ लाख रुपये, वार्ड क्रमांक १५ मध्ये सि. सि. रस्ता व पुलाचे बांधकामसाठी २० लक्ष, वार्ड क्रमांक ०३ मध्ये सि. सि. नाली बांधकाम करणेसाठी २० लाख रुपये, वार्ड क्रमांक १५ मधील मस्जिद पासून सि. सि. रस्त्याचे बांधकाम करणेसाठी १० लाख रुपये, वार्ड क्रमांक १५ मध्ये मस्जिद पासून पारडी रोड पर्यंत सि. सि. नाली बांधकाम करणेसाठी १० लाख रुपये, सि. सि. रस्ता बांधकाम व नाली बांधकाम १० लाख रुपये, वार्ड क्रमांक १२ मध्ये सि. सि. रस्ता व नाली बांधकाम करणे १० लाख रुपये, शहरातील शादी खाण्या बाजुला शेड उभारणी करणेसाठी २५ लक्ष असे एकूण शहरातील विविध कामासाठी ०३ कोटी रुपयांचा निधी आ. माधवराव पाटील जवळगावकर यांनी पालकमंत्री अशोकराव चव्हाण यांच्या माध्यमातून मंजूर करून आणला आहे. या निधीअंतर्गत शहरात अनेक ठिकाणी नाल्याचे आणि रस्त्याचे कामे सुरु झाली आहेत.
