NEWS FLASH १) पाण्यात बुडाल्याने तीन शालेय विद्यार्थ्यांचा मृत्यू,.....२) स्वस्त धान्य दुकानदार अपंगांची फसवणूक करीत आहे,......३) खतांचा पुरवठा त्वरित करा, अन्यथा भाजपच्या वतीने जनआंदोलन - संदीप केंद्रे,.....४) राज्याचा दहावीचा निकाल 95.30 टक्के दरवर्षी प्रमाणे मुलींची बाजी,...५) 1 लाख 72 हजारांच्या दागिन्यांसह चोरटा स्थागुशाने पकडला,.....६) लग्नाचे आमिष दाखवून अत्याचार करणार्‍यावर गुन्हा दाखल,.....७) कॉन्वेजीनियसचा १०० दशलक्ष विद्यार्थ्यांना उच्च दर्जाचे शिक्षण देण्यासाठी पुढाकार,.....८) कोरोना बाधितांचा मृत्यूदर रोखण्यासाठी घरनिहाय सर्वेक्षणावर भर - डॉ. विपीन,....९) कोरोना विषाणूने दीड शतकाजवळ दिले नवीन रुग्ण, आज १३४ बाधीत रुग्ण; नांदेड शहरात ४६; ग्रामीण भागात ८८,.....१०) साहित्य सम्राट लोकशाहीर अण्णाभाऊ साठे यांना भारतरत्न पुरस्कार द्यावा, ..., **

मंगलवार, 8 अगस्त 2017

प्राध्यापकाला जातीवाचक शिवीगाळ आणि मारहाण करणाऱ्या

एनएसयूआयच्या अध्यक्षाला सक्तमजुरीसह 17 रोख दंड 

नांदेड (एनएनएल) यशवंत कॉलेजमधील अर्थशास्त्र विभाग प्रमुख प्राध्यापकाला एका विद्यार्थ्याला चुकीचा प्रवेश द्यावा यासाठी जातीवाचक शिवीगाळ करुन मारहाण करणाऱ्या एनएसयुआय च्या अध्यक्षाला नांदेडचे सहावे जिल्हा न्यायाधीश हरीभाऊ वाघमारे यांनी तीन वर्ष सक्तमजुरी आणि 17 हजार रुपये रोख दंड अशी शिक्षा ठोठावली आहे. दंडाच्या रकमेतील दहा हजार रुपये प्राध्यापक बिऱ्हाडे यांना देण्याचे आदेश न्यायालयाने दिले आहेत.


दि.18 जुलै 2007 रोजी यशवंत महाविद्यालयाचे अर्थशास्त्र विभाग प्रमुख प्रा.रामा नागोबा बिऱ्हाडे यांनी शिवाजीनगर पोलीस ठाण्यात दिली की, 16 जुलै 2017 रोजी यशवंत महाविद्यालयात स्पॉट ऍडमिशन देण्याची प्रक्रिया सुरु होती. या प्रक्रियेत कला शाखेत पदवी प्राप्त विद्यार्थी प्रशांत रावनराव यकुंडे याला प्रवेश द्यावा म्हणून एनएसयुआयचे अध्यक्ष बालाजी प्रल्हाद पावडे आले. त्या विद्यार्थ्याला पदवीमध्ये 362 गुण होते आणि  गुणक्रम यादीत त्याचा नंबर प्रवेशासाठी पात्र नव्हता. त्याबाबतची अडचण प्रा.रामा बिऱ्हाडे यांनी बालाजी पावडेला सांगितली. पण बालाजी पावडे कोणत्याही परिस्थितीत ऍडमिशन द्या असे सांगत होता. दुपारी बारा वाजता ऍडमिशनची प्रक्रिया समाप्त झाली. सर्व प्राध्यापक व इतर मंडळी जात असताना यशवंत कॉलेजच्या मोकळ्या जागेत बालाजी पावडेने प्रा.बिऱ्हाडेला मारहाण करुन जातीवाचक शिवीगाळ केली. मारहाणीला इतर प्राध्यापक आणि कॉलेजचे इतर कर्मचारी यांनी थांबवले त्यानंतर तेंव्हाचे प्राचार्य एन.व्ही. कल्याणकर यांना ही माहिती देण्यात आली. आपली मानसिक परिस्थिती नसल्याने प्रा.रामा बिऱ्हाडे यांनी दि.18 जुलै 2007 रोजी तक्रार दिली. शिवाजीनगर पोलिसांनी याबाबत भारतीय दंड विधानाची कलम 353, ऍट्रासिटी कायद्याची कलमे यासह गुन्हा दाखल केला.

या गुन्ह्याचा तपास तेंव्हाच्या पोलीस उपअधीक्षक सुनीता सोळुंके आणि नंतर सहायक पोलीस अधीक्षक डॉ.मनोजकुमार शर्मा यांनी केला. सन 2007 मध्ये घडलेल्या या गुन्ह्याचे दोषारोपपत्र पोलिसांनी सन 2014 मध्ये दाखल केले. जिल्हा न्यायालयात हा खटला सुरु झाला. या खटल्यात सात साक्षीदारांचे जबाब नोंदविले गेले. उपलब्ध पुराव्याआधारे न्यायाधीश वाघमारे यांनी बालाजी प्रल्हाद पावडे (35) यास दोषी मानले. शिक्षा देताना कलम 294 नुसार आणि ऍट्रासिटी कायद्यानुसार शिक्षा देण्यात आली त्यात तीन वर्ष सक्तमजुरी आणि 17 हजार रुपये रोख दंड ठोठावण्यात आला. या खटल्यात सुरुवातीच्या काळात सरकार पक्षाच्या वतीने ऍड.अनिल औंढेकर यांनी काम पाहिले. तसेच पुढे या खटल्याचे सादरीकरण ऍड.संजय देशमुख यांनी केले. आरोपी बालाजी पावडेच्या वतीने ऍड.प्रवीण आयाचित यांनी काम केले. दंडाच्या 17 हजार रकमेतील दहा हजार रुपये प्रा.रामा नागोबा बिऱ्हाडे यांना देण्यात यावेत, असे आदेश न्यायाधीश वाघमारे यांनी केल्याची माहिती ऍड.संजय देशमुख यांनी दिली.या प्रकरणातील शिक्षा ३ वर्षाची असल्याने न्यायालयाने  बालाजी प्रल्हाद पावडे यास आजतरी जामीन दिला आहे.आता  बालाजी प्रल्हाद पावडेला उच्च न्यायालय औरंगाबाद येथे अपील करावे लागणार आहे.

कोई टिप्पणी नहीं:

वाचकांना निवेदन

नांदेड न्युज लाईव्ह हि वेबसाईट सुरु करून आम्ही अल्पावधीतच मोठ्या प्रमाणात प्रसिद्धी मिळउन नांदेड जिल्ह्यात पहिल्या क्रमांकावर आलो आहे.मराठी पत्रकारितेच्या क्षेत्रातील ताज्या घडामोडी क्षणात देणे, चांगल्या कार्याच्या बाजूने ठामपणे उभे राहाणे, सामाजिक कार्याच्या नावाखाली नको ते धंदे करणा-यांना उघडे करणे, एवढा ऐकमेव उद्देश आमचा आहे.
नांदेड न्युज लाइव्ह वेबपोर्टल ११ एप्रिल २०१
गुढीपाडव्याच्या शुभ मुहूर्तावर सुरु करण्यात आले आहे. या वेब पोर्टलवर वाचकांना निर्माण होणार्या समस्या दूर करण्यासाठी आम्ही नांदेड न्युज लाईव्ह हा ब्लॉग सुरू केलेला आहे. आम्ही कोणाचेही मित्र अथवा शत्रु नाही. यावर प्रसिद्ध झालेली अधिकृत माहितीचे वृत्त वाचा... विचार करा... सोडून द्या, ही आमची भूमिका आहे. यासाठी आम्हाला जेष्ठ पत्रकार स्व.भास्कर दुसे, सु.मा. कुलकर्णी यांची मार्गदर्शन लाभल्याने आम्ही हे पाऊल टाकले आहे. हे इंटरनेट न्यूज चैनल अथवा ब्लॉग सुरू करण्यामागे आमचा कोणताही वैयक्तीक स्वार्थ नाही. समाज कल्याणासाठी आम्ही हे काम हाती घेतले असून, आपल्यावर अन्याय होत असेल तर माहिती निसंकोचपणे द्यावी. माहिती देणार्यांचे नाव गुप्त ठेवण्यात येईल... भविष्यात वाचकांना आमच्याकडून मोठ्या शा आहेत. त्या पूर्ण करण्याचा आम्ही प्रामाणिक प्रयत्न करू...
anilmadaswar@gmail.com, nandednewslive@gmail.com