नविन नांदेड। दरवर्षी प्रमाणे या वर्षी नरोबा मंदिर देवस्थान जुना कौठा, नांदेड येथे ८ ते १५ मे दरम्यान नरसिंह जयंती निमित्त अखंड हरीनाम सप्ताहचे आयोजन करण्यात आले असून १५ मे रोजी हभप परमेश्वर कंधारकर यांच्ये काल्याचे किर्तन व देवस्थान समितीचे अध्यक्ष तथा जिल्हा परिषद सदस्य गंगाप्रसाद काकडे यांच्या कडुन महाप्रसादाचे आयोजन करण्यात आले आहे.
अखंड हारिनाम सप्ताह निमित्ताने काकड आरती, अभिषेक, पारायण, गाथा भजन, हरिपाठ व हरी कीर्तन होईल.सप्ताहा मध्ये ८ मे रोजी रात्री ह.भ.प. पंढरी महाराज मुरकुटे, ९ मे रोजी - मधुसूदन महाराज कापसीकर, १० रोजी मे रोजी-शंकर महाराज लोंढे, ११मे रोजी-अशोक महाराज आळंदीकर,१२ मे रोजी-परमेश्वर गुरुजी कंधारकर ,१३ मे रोजी-एकनाथ महाराज हरसदकर,१४ मे रोजी-कृष्णा महाराज पंढरपुर यांच्ये किर्तन होणार असुन, १५ मे रोजी नृसिंह जयंती निमित्ताने दुपारी १२ वाजता काल्याचे कीर्तनानंतर महाप्रसादाचे आयोजन करण्यात आले आहे.
अखंड हारिनाम सप्ताह व विविध धार्मिक कार्यक्रमांचा लाभ भाविक भक्तांनी घेण्याचे आवाहन नरोबा मंदिर अध्यक्ष तथा जिल्हा परिषद सदस्य गंगाप्रसाद काकडे , मंदिर संस्थानचे पदाधिकारी व पुजारी व्यंकटेश गुरू, देविदास डुबुकवाड यांनी केले आहे.
