शिक्षणमंत्री वर्षाताई गायकवाड, उच्च व तंत्रशिक्षण मंत्री उदय सामंत, शिक्षण राज्यमंत्री बच्चू कडू, माजी मंत्री सचिन अहिर, ऑस्ट्रेलियन शिक्षण तज्ञ, मेस्टा चे संस्थापक अध्यक्ष संजयराव तायडे पाटील यांच्या हस्ते या पुरस्काराचे वितरण करण्यात आले. स्वामी विवेकानंद स्कूल ऑफ स्कॉलर्स ही शाळा मागील 14 वर्षापासून आनंददायी आणि तणावमुक्त शिक्षणासाठी ओळखली जाते. आर्ट ऑफ लिव्हिंग संस्थेची श्री श्री रविशंकर बाल मंदिर या पूर्व प्राथमिक शाळेपासून सुरू झालेली शाळा आता स्वामी विवेकानंद स्कूल ऑफ स्कॉलर्स च्या माध्यमातून आनंददायी शिक्षण व उपक्रमशील शाळा म्हणून ओळखली जाते.
शाळा व्यवस्थापनाने टाकलेला विश्वास आणि सर्व शिक्षकांच्या मेहनतीमुळेच हे शक्य झाल्याची भावना मुख्याध्यापिका शितल पांडे यांनी व्यक्त केली. मेस्टाच्या या राज्यस्तरीय अधिवेशनाला संपूर्ण राज्यातून इंग्रजी शाळा संचालकांनी हजेरी लावली होती. इंग्रजी शाळा खूप छान काम करत आहेत त्यांच्या मागण्या रीतसर असून त्या सोडविण्यासाठी आपण निश्चितपणे सकारात्मक प्रयत्न करू आणि काही दिवसातच तुम्हाला हे दिसून येईल अशा शब्दात शिक्षण मंत्री वर्षाताई गायकवाड यांनी इंग्रजी शाळा संचालना आश्वस्त केले.
