उदगीर| श्री छत्रपती शाहू महाराज सैनिकी माध्यमिक व उच्च माध्यमिक विद्यालयाचा माजी विद्यार्थी अक्षय चन्नावार याची पीएसआय पदी निवड झाली आहे.
महाराष्ट्र लोकसेवा आयोग यांच्या मार्फत घेण्यात आलेल्या परीक्षेचा निकाल आज जाहीर करण्यात आला. यात आमच्या विद्यालयाचा माजी विद्यार्थी अक्षय चन्नावार याची पीएसआय पदी निवड झाली आहे. त्याने सैनिकी विद्यालयातून इ. ०५ वी ते १२ वी पर्यंतचे शिक्षण घेतले आहे. २०१२ मध्ये तो सैनिकी विद्यालयातून बारावी पास झाला होता. २०१९ मध्ये झालेल्या मेन्स परीक्षेत त्याची निवड झाली पण कोरोनामुळे दोन वर्ष मैदानी परीक्षा झाली नव्हती . २०२२ मध्ये मैदानी परीक्षा घेतली त्यात पीएसआय पदी अक्षयची निवड करण्यात आली.
अक्षय चन्नावार याची पीएसआय पदी निवड झाल्याबद्दल त्याचे व त्याला मार्गदर्शन करणारे विभाग प्रमुख सीमा मेहत्रे, प्रा. प्रदीप कोठारे, प्रा शिवाण्णा गंदगे, प्रा. युवराज दहिफळे, प्रा. नितीन पाटील यांचे अभिनंदन संस्थेचे अध्यक्ष बसवराज म. पाटील नागराळकर , चंदन पाटील नागराळकर, दिलीप पाटील नागराळकर, कमांडंट कमांडर बी. के .सिंह ,प्राचार्य वसंत कुलकर्णी, पर्यवेक्षक अरविंद सोनटक्के, सर्वच शिक्षक व शिक्षकेत्तर कर्मचारी यांनी केले आहे.
