उमरखेड/हिमायतनगर| प्रतिवर्षा प्रमाणे यावर्षी होणारी उमरखेड तालुक्यातील कारखेड फाटा येथील नृसिंह जयंती कोविड -19 चे नियम पाळत यंदा रद्द करण्यात आली असल्याची माहिती पुजारी नारायण नरसिंगा चेपुरवार यांनी दिली आहे.
पत्रकारांशी बोलतांना चेपुरवार म्हणाले की दासरी - मालादासरी समाजाचे कुलदैवत असलेले भगवान श्री नृसिंह यांची जयंती दिनांक 25 मंगळवारी आहे. यावर्षी कोरोना महामारी असल्यामुळे कोविड -19 चे सर्व नियम पाळत, यंदाची ही नृसिंह जयंती रद्द करण्यात आली आहे.
त्यामुळे कुठल्याही भावीक भक्ताने मंदिर ठिकाणी येऊ नये, नियमाप्रमाणे अर्चकाकडून अभिषेक व पूजा होईल. सर्वांनी घरीच राहून भगवान नृसिंहाची आराधना करावी व जगावर आलेले महामारीचे संकट दूर करण्यासाठी साकडे घालावे असेही त्यांनी आवाहन केले आहे.
