श्री नृसिंह जयंती आपापल्या घरातच साजरी करा
हिमायतनगर| दासरी-माला दासरी समाजाचे कुलदैवत भगवान श्री नृसिंह यांची जयंती यंदा दि.२५ में रोजी आली आहे. सध्या कोरोनाचा कार्यकाळ चालू असल्याने शासनाकडून यावर नियंत्रण मिळविण्यासाठी संचारबंदी लागू आहे. हि बाब लक्षात घेता सर्व दासरी - मालादासरी समाज बांधवांनी मंदिरात जाऊन गर्दी न करता घरातच भगवान नृसिंहाला अभिवादन करावे. तसेच दिवे लावून कोरोनापासून सुरक्षा मिळावी म्हणून साकडे घालावे असे आवाहन समाजाचे महाराष्ट्र अध्यक्ष मुरहारी दमण्णा यंगलवार यांनी केले आहे.
गतवर्षीप्रमाणे यंदाही कोरोनाच्या पार्श्वभूमीवर राज्य आणि देशात लॉकडाऊनची घोषणा करण्यात आली आहे. सुरु असलेल्या संचारबंदीच्या टप्प्यात पुन्हा १४ दिवस वाढ काण्यात आल्याने दि.०१ जून पर्यंत संचारबंदी कायम आहे. तसेच नांदेड जिल्ह्यात कोरोनाच्या रुग्णाच्या संख्येत वाढ होत असल्याने या परिस्थितीवर नियंत्रण मिळविण्यासाठी राजकीय, समाजी, सांस्कृतिक व धार्मिक कार्यक्रमासाठी एकत्र जमण्यास संचारबंदीचे लावण्यात आल्याने सर्वानी नियमांचे कडक पालन करणे गरजेचे आहे.
अशावेळी दासरी -माला दासरी समाजाचे कुलदैवत भगवान श्री नृसिंह जयंती दि.२५ में रोजी आली आहे. दरवर्षी या दिनी सर्व समाज बांधव नांदेडसह कारखेड, तामसा व इतर ठिकाणच्या श्री नृसिंह मंदिरात एकत्र जमून उत्साहात जयंती सोहळा साजरा करून मनोकामना करतात. मात्र सलग दुसऱ्या वर्षीही कोरोना महामारीचे संकट लक्षात घेऊन शासनाच्या आदेशामुळे सर्व मंदिरे बंद आहेत. त्यामुळे समाज बांधवानी नृसिंहाची आराधना घरात राहूनच कुटुंबासह साजरी करावी आणि रात्रीला पूजन करून ७, ९ किंवा ११ असे दीपप्रज्वलन करून या महामारीच्या संकटातुन बाहेर काढण्याची प्रार्थना भगवान नृसिंहाकडे करावी. असे आवाहन दासरी -माला दासरी समाजाचे महाराष्ट्र अध्यक्ष मुरहारी दमण्णा यंगलवार यांनी केले आहे.
भगवान नरसिंहाचा सिद्ध मंत्र
- एकाक्षर नृसिंह मंत्र : ''क्ष्रौं''
- त्र्यक्षरी नृसिंह मंत्र : ''ॐ क्ष्रौं ॐ''
- षडक्षर नृसिंह मंत्र : ''आं ह्रीं क्ष्रौं क्रौं हुं फट्''
- अष्टाक्षर नृसिंह : ''जय-जय श्रीनृसिंह''
- आठ अक्षरी लक्ष्मी नृसिंह मन्त्र: ''ॐ श्री लक्ष्मी-नृसिंहाय''
- दहा अक्षरी नृसिंह मन्त्र: ''ॐ क्ष्रौं महा-नृसिंहाय नम:''
- तेरा अक्षरी नृसिंह मन्त्र: ''ॐ क्ष्रौं नमो भगवते नरसिंहाय''
- नृसिंह गायत्री — 1 : ''ॐ उग्र नृसिंहाय विद्महे, वज्र-नखाय धीमहि। तन्नो नृसिंह: प्रचोदयात्।
- नृसिंह गायत्री — 2 : ''ॐ वज्र-नखाय विद्महे, तीक्ष्ण-द्रंष्टाय धीमहि। तन्नो नारसिंह: प्रचोदयात्।।'
नृसिंह मंत्र जपणे तंत्र-मंत्र, अडथळा, भूत पिशाच, भीती, अकाली मृत्यूची भीती, असाध्य रोग इत्यादी पासून मुक्ती मिळते आणि जीवनात शांती नांदते. जर आपण स्वतःला धोक्याची किंवा जोखीम घेण्याची क्षमता नसल्याचा आभास करत असाल आणि आर्थिक अडचणींबरोबर संघर्ष करीत आहात. आणि सर्व बाजूंनी शत्रूंनी वेढलेले आहात, तर या सर्व आपत्तींपासून मुक्त होण्यासाठी भगवान नरसिंह यांच्या जयंतीनिमित्त या दिव्य मंत्रांचा जप करण्यास विसरू नका. खर्‍या मनाने केलेल्या मंत्राचा जप केल्याने तुमचे सर्व त्रास नक्कीच दूर होतील.
