नांदेड। फेब्रुवारी रोजी पोलीस स्टेशन नांदेड ग्रामीण येथे दाखल गु.र. नं. 96/2022 कलम 363 भादंवि मधील बेपत्ता दोन अल्पवयीन बालकांचा मुंबई येथे शोध घेवून त्यांना मा. उप विभागीय पोलीस अधिकारी श्री डॉ. सिध्देश्वर भोर तसेच पोलीस निरीक्षक श्री अशोक घोरबांड याचे उपस्थितीत पालकांच्या ताब्यात देण्यात आले.
या प्रकरणी पोलिसांनी प्रसिध्दी केलेल्या पत्रकात,फिर्यादी शंकर दुर्गाजी गोरे रा.जुना कौठा नांदेड यांनी १८ फेब्रुवारी रोजी पो.स्टे.ला हजर येवून फिर्याद दिली की, दिनांक १७ फेब्रुवारी रोजी दुपारी १२.३० वाजताच्या सुमारास माझा मुलगा पियुष शंकर गोरे वय १५वर्ष व्यवसाय शिक्षण रा. जुना कोठा नांदेड हा घरा बाहेर गेला परत आला नाही. त्यास कोणीतरी अज्ञात इसमाने अज्ञात कारणासाठी कोणतेतरी अमीश दाखवुन फुस लावुन पळवून नेले असावे तसेच आमच्या गावातील आशिष संतोष कांबळे वय १७ वर्ष जुना कौठा हा सुध्दा काल दुपारपासुन गावामध्ये नसल्याने तो पण सोबत असावा असा अंदाज आहे. वैगरे मजकुराच्या फिर्यादीवरुन पो.स्टे.ला. गु.र.नं.96/2022 कलम 363 भा.दं.वि. प्रमाणे गुन्हा दाखल झाला होता.
सदर गुन्हयात पोलीस उप महानिरीक्षक निसार तांबोळी,नांदेड परिक्षेत्र, पोलीस अधिक्षक प्रमोदकुमार शेवाळे अपर पोलीस अधिक्षक निलेश मोरे , उप विभागीय पोलीस अधिकारी इतवारा श्री डॉ. सिध्देश्वर भोरे सयांच्या मार्गदर्शनाखाली पोलीस स्टेशन नांदेड ग्रामीण येथील पोलीस निरीक्षक अशोक घोरबांड यांनी तपास अधिकारी व कर्मचारी यांना योग्य मार्गदर्शन करुन सदर गुन्हयातील पिडीत अल्पवयीन मुलगा नामे पियुष शंकर गोरे हा त्याच्या घरातील रोख रक्कम सोबत घेवून गेल्याची माहिती मिळाल्याने पोलीस निरीक्षक अशोक घोरबांड यांनी तपास अधिकारी पोउपनि बिचेवार व मदनिस लाठकर यांचे पथक तयार करुन रेल्वे स्टेशन, बस स्टॉप पाईंट, लक्झरी पॉईंट इत्यादी ठिकाणीचे प्रवासींची माहिती घेवुन व सी.सी.टी.व्ही. कॅमेरे चेक केले. सायबर सेल नांदेड यांचे तांत्रीक सहाय्य घेवून संशयीत मुलाचे टॉवर लोकेशन मालाड मुंबई येथे मिळून आल्याने मा. पो.नि. घोरबाड यांनी पोलीस अधिक्षक प्रमोदकुमार शेवाळे व उप विभागीय पोलीस अधिकारी इतवारा डॉ. सिध्देश्वर भोरे यांना तपास पथक मुंबई येथे पाठविण्याची परवानगी मागितली असता तात्काळ परवानगी मिळाली व तपास अधिकारी पोउपनि आनंद बिचेवार सोबत बालाजी लाडेकर असे दिनांक 18 फेब्रुवारी रोजी मुंबईला रवाना झाले.
मुंबई येथील नॉर्थ सायबर पोलीस स्टेशन चे पोलीस निरीक्षक चंदनशिवे व अमलदार यांच्या सहाय्याने बेपत्ता दोन्ही अल्पवयीन मुलांचा शोध घेतला असता ते बोरीवली भागात मिळून आले, अल्पवयीन मुलगा पियुष शंकर गोरे याचे जवळ नगदी 5,00,000/- रुपये व एक नवीन आय फोन कंपनीचा 13 Pro. Gold किंमत 1,02,000/- रुपये मिळून आले.
अल्पवयीन मुलगा पियुष शंकर गोरे यास ऐवढे पैसे कोठून आणले असे नशिब विचारले असता त्याने सांगितले की, मी माझ्या घरुन हे पैसे आणलेले असुन मी मुंबईला फिरण्यासाठी व शॉपींग करण्यासाठी मित्राला सोबत घेवून आलो असल्याचे सांगितले आहे. दोन्ही अल्पवयीन मुलांना ताब्यात घेवुन आज दिनांक 20 फेब्रुवारी 2022 रोजी तपास अधिकारी पोउपनि बिचेवार व पोहेका बालाजी लाडेकर हे नांदेड येथे परत आले. दोन्ही अल्पवयीन मुलांना त्यांच्या पालकांच्या ताब्यात सुखरुप देण्यात आले आहे. दोन्ही अल्पवयीन मुलांच्या पालकांनी भावनिक होवन पोलीस प्रशासन यांचे विशेष आभार मानुन त्यांच्या मनातील भावना व्यक्त केल्या आहेत.
पोलीस उप महानिरीक्षक निसार तांबोळी नांदेड परिक्षेत्र, पोलीस अधिक्षक, नांदेड शप्रमोदकुमार शेवाळे यांनी पोलीस स्टेशन नांदेड ग्रामीणचे पोलीस निरीक्षक अशोक घोरबांड, तपास अधिकारी पोउपनि आनंद बिचेवार, पोहेकाँ,बालाजी लाडेकर यांचे विशेष कौतूक केले आहे.
