बोरगडी, बोरगडी तांडा -1 व 2 च्या खऱ्या घरकुल लाभार्थ्यांची वगळलेली नावे समाविष्ठ करा
हिमायतनगर, अनिल मादसवार| तालुक्यातील मौजे ग्राम पंचायत कार्यालय, बोरगडी येथील पंतप्रधान मंत्री आवास योजने अंतर्गत तयार करण्यात आलेल्या यादीचे वाचन ग्रामसभेत करण्यात आले. मात्र यामधून खऱ्या गरजू घरकुल लाभार्थ्यांना ड यादीतून वगळण्यात आले आहे. हा प्रकार म्हणजे प्रशासनाचा हलगर्जीपणा कारणीभूत असून, तात्काळ खरंय घरकुल लाभार्थ्यांची नावे यात समाविष्ठ करून त्यांना न्याय द्यावा. अन्यथा हिमायतनगर पंचायत समिती कार्यालयासमोर अमरण उपोषण करू असा इशारा शिवसेना तालुका संघटक संजय काईतवाड यांनी गावकर्यांना सोबत घेऊन एका निवेदनाद्वारे दिला आहे.
हिमायतनगर तालुक्यातील मौजे बोरगडी गावामध्ये मागील काळात ३३४ घरकुल लाभार्थ्यांची यादी बनविण्यात आली होती. या यादीची निवड झाली मात्र त्यामध्ये १२४ लाभार्थ्यांना अपात्र घोषित करून त्यांची नावे वगळण्यात आली आहेत. ती ड क्रमांकाची यादी दि.२६ जानेवारी रोजीच्या ग्रामसभेत वाचून दाखविण्यात आली आहे. परंत्तू या यादीत एकच कुटुंबातील अनेकांची नावे समाविष्ठ झाली असून, खऱ्या गरजू लाभार्थ्याची नांवे वगळण्यात आली असल्याचे निदर्शनास आले आहे.
नवीन यादीमध्ये गावांमध्ये एकाच घरात वारंवार सन 2011 ते सन' 2021 या वर्षामध्ये वारंवार घरकुलाचा लाभ मिळत आहे. ज्यांना खरेच राहण्यास घर नाही अश्या गरजू व्यक्‍तीची यामध्ये कुंचबना होत आहे. कारण ज्या व्यक्‍तींना राहण्यास निवारा नाही. अश्या व्यक्तींची यादी ड मध्ये निवड होवुन सुध्दा त्यांची नांवे वगळण्यात आली. ज्यांना राहण्यास निवारा आहे अश्या व्यक्‍तींना वारंवार एकाच घरामध्ये आवास योजने करीता त्यांची निवड झाली असल्याचे दिसते आहे. हा खऱया निवारा नसलेल्या लाभार्थ्यावर अन्याय आहे.
हि बाब लक्षात घेऊन सन 2011 ते 2021 या वर्षामध्ये एकाच कुंटूंबातील व्यक्‍तींना वेगवेगळ्या नांवाने घरकुल मंजुर होत असल्याने याची चौकशी करण्यात यावी. आणि आवास योजनेचा दुसऱ्यांदा लाभ घेणाऱ्या व्यक्तींची नांवे वगळुन ड यादीमधील वगळण्यात आलेल्या गरजू लाभार्थ्याना आवास घरकुल योजनेचा लाभ मिळवुन द्यावा आणि त्यांना निवारा उपलब्ध करुन द्यावा. अशी मागणी एका निवेदनाद्वारे करण्यात आली आहे. यादीची चौकशी होऊन वंचितांना न्याय मिळवून देण्यासाठी तहसीलदार आणि गटविकास अधिकारी साहेबांनी या निवेदनाचा विचार करुन आपण प्रत्यक्ष गवत येऊन पाहणी व चौकशी करुन डब्बल घरकुलाचां लाभ घेणाऱ्या व्यक्‍तीची नांवे वगळुन ड यादीतील वगळलेल्या लाभार्थ्याची नांवे पुन्हा आवास योजनेमध्ये समाविष्ठ करावी अन्यथा निवारा नसलेल्या लाभार्थ्याना घरकुल आवास योजनेचा लाभ मिळवून देण्यासाठी आम्हाला लोकशाही मार्गाचा अवलंब करुन आपल्या कार्यालयासमोर अमरण उपोषण करावे लागेल असा इशारा नायब तहसीलदार अनिल तामस्कर आणि गटविकास अधिकारी यांना निवेदनातून दिला आहे.
या निवेदनावर शिवसेना तालुका संघटक संजय काईतवाड यांच्यासह माधव काईतवाड, मल्लेश भैरेवाड, सुधाकर काईतवाड, परमेश्वर जाधव, मारोती यनगूलवार, राम काईतवाड, लक्ष्मण जिंकुटवार, अशोक कोळगीर, मारोती कमळे, रमेश आडे, राजेश्वर भैरेवाड, सुदाम राठोड, गजानन काईतवाड, बाबाराव भैरेवाड, संजय भैरवाड, आनंदराव सोलनकर, तुकाराम सोलनकर, शंकर कदम, माधव गुज्जलवाड, नाथा घोगेवाड, श्यामराव भैरेवाड, दत्ता पुपलवाड, साहेबराव बाचेवाड, सुभाष राठोड, मारोती जाधव, बाबू काईतवाड, लक्ष्मण काईतवाड, सोमेश यनगूलवार, परमेश्वर गामेवाड, मारोती भैरेवाड, कल्पनाबाई जिंकुटवाड, नीलाबाई गोपवाड, कोंडयाबाई सुरनर, सुमनबाई मामीडवार, अनुसयाबाई सुरनर, पर्यागबाई कदम, शोभाबाई मुंडेकर, आदींसह १४६ वंचित लाभार्थ्यांच्या स्वाक्षऱ्या आहेत.
