आरट्टू पूजा (गंगा स्नान) निमित्त शहरातून निघाली अय्यप्पा स्वामींची भव्य शोभायात्रा
नांदेड| जिल्ह्यातील किनवट येथील श्री अय्यप्पा स्वामी देवालयात सहस्त्र कलशाभिकम महाजूपूजेच्या पार्श्वभूमीवर ४१ दिवसीय दीक्षा समारंभ अय्यप्पा उत्सव धार्मिक कार्यक्रमाला कार्तिक महिन्यात सुरुवात झाली असून, दि.०९ डिसेंबर रोजी शहरातील मुख्य रस्त्याने ओम श्री स्वामिये शरनंम अय्यप्पा नामाचा जयघोष करत भव्य शोभा यात्रा काढण्यात आली. सादर शोभा यात्रा पैनगंगा नदीत पवित्र गंगास्नान करून आरट्टू पूजा करण्यात आली आहे. यावेळी मोठ्या प्रमाणात भक्तगण उपस्थित झाले होते.
दरवर्षीप्रमाणे याही वर्षी किनवट येथील माहूर रोडवर असलेल्या श्री अय्यप्पा स्वामी देवालयात ४१ दिवसीय दीक्षा समारंभ कार्यक्रमाला सुरुवात झाली आहे. सादर कार्यक्रम श्रीमन चक्रवर्तला पुरोषोत्तमाचार्य गुरुस्वामी गुटटेमगुट्ट, ता.दंडेपल्ली, जी.मंचेरियल यांच्या मार्गदर्शनाखाली आणि मुख्यतंत्री श्रीमन श्रीरामभट्ट रजनीश शर्मा यांच्या पूजाविधीतून होत आहे. या कार्यक्रमात दररोज प्रातः ४ वाजता पूजा पाठाने आरंभ होतो. दुपारी भोजन दीक्षा सायंकाळी पूजा आरती केली जाते. तर कार्यक्रमाचा समारोप पूजा अनुष्ठान कार्यक्रमाने मकर संक्रांती दिनी होणार असून, त्या निमित्ताने महादेव मंदिर - कैलास धाम मंदिर ते अय्यप्पा स्वामी मंदिर पर्यंत अय्यपा स्वामींची भव्य शोभा यात्रा काढून सायंकाळी दीक्षा समारोप केला जातो.
दरम्यानच्या काळात दि.१५ डिसेंबर रोज बुधवारी सकाळी ८ ते दुपारी १ वाजेपर्यंत गणपती पूजा, रक्षा बंधन, पंचगव्य प्रश्न, अखंड दीप स्थापना, वनग्रह ,वस्तू, सर्वतोभद्र स्थापना होती. त्यानंतर दुपारी ३ ते ५ वाजेच्या दरम्यान नवग्रह गणपती, ११०८ कलश स्थापना, ब्रह्मकलश स्थापना, सायंकाळी ६ वाजता चतुर्वेदी सेवा, आरती, मंत्र आणि पुण्य प्रसाद वितरण होईल. त्यानंतर दि.१६ डिसेंबर रोज गुरुवारी सकाळी ७.३० ते दुपारी १.३० च्या दरम्यान स्थापी देवता पूजन, मूलमंत्र हवन, सहस्रधाराभिषेक, श्री भुतवली, पूर्णाहुती, कुंभ अभिषेकम आणि कार्यक्रमास उपस्थित झलेल्या पंडितगणांचा सत्कार सोहळा संपन्न होईल. दुपारी १ ते ३ वाजेपर्यंत (इरमुडी) महाप्रसाद वितरण आणि रात्री ८ ते १० वाजेपर्यंत पडी पूजा होणार आहे.
त्यानंतरच्या काळात समारोप म्हणजे मकर संक्रांति पर्यंत दररोज नित्यनेमाने पूजा पाठ, भोजन दीक्षा, पूजा पथ आरती केली जाणार आहे. शेवटच्या म्हणजे दि.१४ जानेवारी रोजी म्हणजे मकर संक्रांति दिनी अवर्नालू पूजा झाल्यानंतर श्री अय्यप्पा स्वामी देवालयात दीक्षा समारंभ कार्यक्रमाचा समारोप केला जाणार आहे. तत्पूर्वी दि.०७ जानेवरी रोजी (इरमुडी) भंडारा महाप्रसाद कार्यक्रमाचे आयोजन करण्यात आले आहे. श्री अय्यप्पा स्वामी देवालयात आगम शास्त्रानुसार करण्यात येणाऱ्या तांत्रिक महापूजा कार्यक्रम व देवालयाची ऊर्जा वाढविण्यासाठी शहरातील सर्व भाविक भक्तांनी सुखसमृध्दीची सहपरिवार आपल्या इष्टमित्रांसह या पवित्र आयोजनात सहभागी होऊन श्री अय्यप्पा स्वामींचे अनुग्रह प्राप्त करावे असे आवाहन श्री पवार गुरुस्वामी यांनी नांदेड न्यूज लाईव्हच्या माध्यमातून केले आहे.
