सार्वजनिक बांधकाम विभागाचे उपविभागीय अभियंता तुंगेनवार रूजू
हिमायतनगर। येथील सार्वजनिक बांधकाम विभागाच्या उपविभागीय कार्यालयात, उपविभागीय अभियंता तुंगनवार दि. १० शुक्रवारी रुजू झाले आहेत. येथील पूर्वीचे अभियंता पवार जिल्हा परिषद बिड येथे बदली होऊन गेल्याने तुंगेनवार बदली होवुन आले आहेत.
सार्वजनिक बांधकाम विभागा कडुन होणाऱ्या कामा करीता सा.बा. चे उपविभीगीय कार्यालय दोन वर्षा पासुन सुरू झाले परंतु आधिच्या उपविभागीय अभियंत्यांनी फारसे लक्ष न देता स्वार्थ साधल्याने की काय? त्यांना दिर्घ काळ पदभार सांभाळता आला नाही. सेवेचा दिर्घ अनुभव असलेले उपविभागीय अभियंता डि.एन. तुंगेनवार यांनी हिमायतनगर येथिल पदभार स्विकारला. पहिल्याच भेटित त्यांनी तालुक्यातील, पिचोंडी, विरसणी, दुधड, दस्तगिरवाडी, महादापुर, हिमायतनगर शहरात सुरू असलेल्या सार्वजनिक बांधकाम विभागाच्या उपविभागीय इमारतीच्या कामांची पाहणी करून कामांबद्दल समाधान व्यक्त केले.
त्यांनी पदभार स्विकारताच मराठी पत्रकार संघाचे तालुकाध्यक्ष गोविंद गोडसेलवार व पत्रकार मंडळींच्या वतीने त्यांचा स्वागत सत्कार करण्यात आला. यापुढे हिमायतनगर तालुक्यातील ग्रामीण व शहरी भागातील रस्ते, इमारती, समाजमंदिर व शासकीय व निमशासकीय कामकाज पारदर्शक पद्धतीने करून विकास कामे दर्जेदार होतील याकडे लक्ष देऊ असे आश्वासन पात्रकार मंडळींना दिले.
यावेळी त्यांच्या सोबत शाखा अभियंता मारोती डांगे, कनिष्ठ अभियंता सुरज कंधारकर, शाखा अभियंता एस एम पोपुलवार, शाखा अभियंता राहुल वाघमारे, उपविभागीय कार्यालयाचे जेष्ठ कर्मचारी आर एस मदेवाड, दशरथ सुरोशे, शेख इसाक, शासकीय ठेकेदार सुरेश पळशीकर, नांदेड न्यूज लाईव्हचे संपादक अनिल मादसवार, दैनिक लोकपत्रचे तालुका प्रतिनिधी दिलीप शिंदे, दैनिक वतनवाला चे तालुका प्रतिनिधी अनिल नाईक, विष्णू रामदिनवार, आदींसह अनेकांची उपस्थिती होती.
