नांदेड| जेतवन बुद्ध विहार, जेतवन नगर नांदेड येथे दि. ९ डिसेंबर २०२१ रोजी सकाळी १० ते दुपारी २ वाजेपर्यंत जेतवन बुध्द विहार समिती ट्रस्टच्या वतीने व्हिजन ऑप्टीकल -साई दृष्टी नेत्रालय यांच्या मार्फत टेक्नीशियनद्वारे ८६ लोकांची नेत्र तपासणी करण्यात आली.
शेख सिराज, टेकनीशियन, आयु. कमला साळवे संयोजक, आयु. कल्पना साळवे फिल्डवर्कर, आयु. आम्रपाली वाघमारे- फिल्डवर्कर या टिमने नेत्र तपासणीचे काम केले. याप्रसंगी वरील सर्व टिमचे जेतवन बुध्द विहार समिती ट्रस्टचे सचिव आयु. एस.आर. गायकवाड व जेतवन मागासवर्गीय गृह निर्माण सोसायटीच्या उपाध्यक्ष आयु. क्रांतीताई गायकवाड तसेच प्रतिभाताई सोनकांबळे आणि सुलोचनाताई पाईकराव यांनी पुष्पहार देवून स्वागत केले.
ह्या नेत्र तपासणी शिबिरामध्ये जेतवन नगर, विकास नगर, प्रकाश नगर, वैशाली नगर, तुळजाभवानी नगर व संभाजी नगर येथील नागरिकांनी या शिबीराचा लाभ घेतला. या मोफत नेत्र तपासणी शिबीर कार्यक्रमाच्या यशस्वीतेसाठी आयु. केरूरकर, एम.एस. कांबळे, व्हि.पी. वाघमारे, आर.सी. गायकवाड, रावण पाईकराव सर व मिलिंद पांडविर यांनी परिश्रम घेतले.
