हिमायतनगर| सध्या जिल्हाभरात लंम्पि आजाराच्या पार्श्वभूमीवर शेतकऱ्यांनी जनावरांची काळजी घ्यावी असे आवाहन करण्यात आले आहे. मात्र या आवाहनानंतर अफवांना पेव फुटले असून, गाई- म्हशीचे दूध पिल्याने शरीरावर गाठी येतात असे खोटे मेसेज सोशल माडीवर व्हायरल करून काहीजण जनतेला संभ्रमात टाकण्याचा प्रयत्न करत आहेत. असा कोणताही व्हायरस जनावरांच्या दुधात येत नाही त्यामुळे नागरिकांनी अश्या खोट्या अफवांवर विश्वास ठेऊ नये आणि बिनधास्तपणे दुधाचा वापर करावा असे आवाहन हिमायतनगर येथील पशुधन विकास अधिकारी सोनटक्के यांनी केलं आहे.
