मुखेड, रणजित जामखेडकर| महात्मा ज्योतिबा फुले महाविद्यालय , मुखेड व नगर परिषद, मुखेड यांच्या संयुक्त विद्यमानाने राष्ट्रीय सेवा योजना विभागाच्या वतीने स्वातंत्र्याचा अमृत महोत्सव या अभिनव उपक्रमांतर्गत " हर घर तिरंगा " हा कार्यक्रम आयोजित करण्यात आला होता.
कार्यक्रमाच्या अध्यक्षस्थानी महाविद्यालयाचे प्राचार्य डॉ. एस.बी.अडकिणे, प्रमुख पाहुणे मुख्याधिकारी धनंजय थोरात, मराठी विभाग प्रमुख प्रा.चंद्रकांत साखरे, व्यासपीठावर स्टाँफ सेक्रेटरी प्रा.डॉ. दिलीप आहेर, सांस्कृतिक विभाग प्रमुख प्रा.डॉ. मधुकर राऊत, राष्ट्रीय सेवा योजना कार्यक्रमाधिकारी डॉ. एकलारे चंद्रकांत, डॉ. भारत केंद्रे, अधिक्षक एस.के.सुर्यवंशी, नगर परिषद कर्मचारी डांगे , बनसोडे, कांबळे हे होते. कार्यक्रमाचे सूत्रसंचालन प्रा.डॉ. विजय वारकड तर आभार प्रदर्शन प्रा.डॉ. सी.एम. कहाळेकर यांनी केले. राष्ट्रध्वज विक्री करण्यासाठी स्टाँल लावण्यात आले होते. त्याप्रसंगी 375 इतके ध्वज एकदाच विक्रीचा हा विक्रम या महाविद्यालयात झाला आहे. दि.12 आँगस्ट रोजी महात्मा फुले महाविद्यालय व नगर परिषदेकडून प्रभातफेरीची जय्यत तयारी सुरू झाली आहे.
याप्रसंगी मार्गदर्शन करताना मुख्याधिकारी थोरात यांनी स्वातंत्र्याच्या अमृत महोत्सव या उपक्रमाची माहिती , नियमावली , राष्ट्राभिमान आणि सामाजिक बांधिलकी याविषयावर प्रकाश टाकला . अध्यक्षीय भाषणात डॉ. अडकिणे यांनी राष्ट्रीय अस्मिता , सामाजिक जाणीव, हर घर तिरंगा व स्वराज्य महोत्सव साजरा करताना घ्यावयाची काळजी आणि भारतीय नागरिकांचे कर्तव्य पार पाडण्यासाठी मिळालेली संधी इत्यादी विषयावर प्रकाश टाकला आहे. याप्रसंगी बहुसंख्येने प्राध्यापक , शिक्षकेत्तर कर्मचारी , विद्यार्थी व विद्यार्थिनी उपस्थित होते.
