किनवट, माधव सूर्यवंशी| केंद्रीय अर्थराज्यमंत्री भागवत कराड यांनी भाजपा तालुका अध्यक्ष संदीप केंद्रे यांच्या निवेदनाची दखल घेत मौजे बोधडी येथे भारतीय स्टेट बँक शाखा मंजूर करण्याकरिता सकारात्मकता दर्शवली आहे.
त्या अनुषंगाने केंद्रे यांनी 17 जून रोजी केंद्रीय अर्थराज्यमंत्री मंत्री भागवत कराड यांना त्यांच्या दिल्ली येथील निवासस्थानी निवेदन दिले होते त्या निवेदनाला प्रतिसाद देत दिनांक 6 जुलै रोजी चे केंद्रीय अर्थराज्यमंत्री कराड यांचे पत्र प्राप्त झाले असून सदर प्रस्ताव हा आर्थिक सेवा विभागाकडे सुपूर्द करण्यात आला असल्याचे केंद्रीय अर्थराज्यमंत्री भागवत कराड यांनी प्रस्तुत पत्रावदारे कळवले आहे.
तरी येत्या काही दिवसांत मौजे बोधडी येथे बँक शाखा कार्यरत होण्याच्या आशा पल्लवित झाल्या आहेत. यासंदर्भात तालुका अध्यक्ष संदीप केंद्रे यांच्याशी संपर्क साधला असता त्यांनी सांगितले की खा. प्रताप पाटील चिखलीकर व आ.भीमराव केराम यांच्या नेतृत्वाखाली भाजपा सदैव नागरिकांच्या समस्या सोडविण्यासाठी प्रयत्नशील असून हीच शिकवण आमच्या नेत्यांनी आम्हाला दिलेली आहे.
