मुखेड, रणजित जामखेडकर। शहरातील महात्मा ज्योतिबा फुले कनिष्ठ महाविद्यालयाच्या उपप्राचार्य म्हणून हिंदी विभाग प्रमुख प्रा.साहेबराव बळवंते यांनी पदभार स्विकारुन रूजू झाले आहेत.
उपप्राचार्य के.बालाराजू यांच्या सेवानिवृत्तीनंतर सेवाज्येष्ठतेनुसार मितभाषी , अभ्यासू म्हणून परिचित असणारे प्रा.साहेबराव बळवंते यांना नियुक्ति पत्र प्राचार्य डॉ. एस.बी.अडकिणे यांनी दिले . या नियुक्ती समारंभाला अध्यक्ष म्हणून महाविद्यालयाचे प्राचार्य डॉ. एस.बी. अडकिणे , व्यासपीठावर प्रा.सी.बी.साखरे , स्टाँफ सेक्रेटरी प्रा.डॉ. डी.के.आहेर , पर्यवेक्षक प्रा.जी.एम.वायफणकर हे उपस्थित होते . उपप्राचार्य नावाची घोषणा झाल्यानंतर प्रा.साहेबराव बळवंते यांचा शाल , पुष्पहार देऊन मान्यवरांच्या हस्ते सत्कार करण्यात आला . कार्यक्रमाचे सूत्रसंचालन प्रा.डॉ. डी.के.आहेर तर आभार प्रदर्शन प्रा.व्ही.एस.राठोड यांनी केले .
त्यांच्या निवडीबद्दल वीरभद्र शिक्षण संस्थेचे सर्व पदाधिकारी व सदस्य , प्राचार्य डॉ. एस.बी.अडकिणे , अधिक्षक एस.के.सुर्यवंशी , प्राध्यापक व शिक्षकेत्तर कर्मचाऱ्यांकडून अभिनंदन करण्यात आले .
