उस्माननगर, माणिक भिसे। लाठी (उस्माननगर ) ता.कंधार येथील भूमीपुत्र अंकुश चंद्रकांतराव जहागिरदार (लाठाकर) यांना इंजिनिअरींग मध्ये संकेत प्रक्रमण आणी उपकरणीकरण (signal processing and instrumentation) विषयात पी.एच.डी.(डॉक्टरेट) ही पदवी नुकतीच एक कार्यक्रमात कुलगुरू यांच्या हस्ते प्रदान करण्यात आली , असून हा प्रबंध श्री के.के.गुप्ता यांच्या मार्गदर्शनाखाली बिट्स पिलानि येथे पुर्ण केला.
जसे डॉक्टर मानवी शरीराचा अभ्यास करून रोगाचे निदान करतात तसेच यंत्राचा अभ्यास करून त्यातील त्रुटी ,उनिवा अथवा त्या बंद पडण्याची कारणे विशिष्ठ तंत्रज्ञानाचा उपयोग करून शोधने अर्थात संकेत प्रक्रमण आणी उपकरणीकरण या विषयात तूयाने यश मिळविले.
लाठी (उस्माननगर )चा भूमिपुत्र सध्या बेंगलोर येथील नामकींत कंपनीत कार्यरत असलेल्या अंकुश जहागिरदार याने या यशाचे श्रेय वडील अॕड.चंद्रकांत जहागिरदार,आई सौ.वर्षा ,पत्नी सौ प्रिया जहागिरदार यांना दिले. या यशाबद्दल गावकरी, नातेवाइक, मित्रपरिवाराकडून अभिनंदनाचा वर्षाव होत आहे.
