नांदेड| भारतरत्न डॉ. बाबासाहेब आंबेडकर यांच्या जयंतीनिमित्त दि. 27 एप्रिल रोजी क्षितीज जाधव मित्र परिवाराच्या वतीने भिमकन्या कडूबाई खरात यांचा बुद्ध-भिम गितांचा कार्यक्रम आयोजित करण्यात आला आहे.
दि. 27 एप्रिल रोजी सायंकाळी 6 वाजता तक्षशिला बुद्धविहार, भगिरथनगर या ठिकाणी होणार्‍या कार्यक्रमाचे उद्घाटन खा. प्रताप पा. चिखलीकर यांच्या हस्ते होणार आहे. कार्यक्रमाच्या अध्यक्षस्थानी आ. बालाजी कल्याणकर तर विशेष अतिथी म्हणून राजश्रीताई पाटील यांची उपस्थिती राहणार आहे. तसेच ऑल इंडिया पॅथरचे नेते दिपकभाई केदार, भाजपा महानगराध्यक्ष प्रविण साले, प्रथम महापौर सुधाकर पांढरे, भाजपा नेते रामदास पाटील यांची उपस्थिती राहणार आहे.
या कार्यक्रमात अमोल गुंडे, अर्जून माने यांचा सत्कार होणार आहे. कार्यक्रमाचे स्वागताध्यक्ष म्हणून बी. बी. पवार तर पोलिस निरीक्षक सुधाकर आडे यांची प्रमुख उपस्थिती राहणार आहे. महाराष्ट्रातील सुप्रसिद्ध गायीका कडूबाई खरात यांच्या कार्यक्रमास उपस्थित राहण्याचे आवाहन क्षितीज जाधव मित्र परिवाराच्या वतीने करण्यात आले आहे.
