पोखरभोसी येथे सजवलेल्या बैलगाडीतून प्रभातफेरी काढूनशाळा पुर्व तयारीचा संदेश -NNL

उस्माननगर, माणिक भिसे। पोखरभोसी ता.लोहा येथील  जिल्हा परिषद शासनाने ठरवून दिलेल्या क्षैक्षणीक कृती आराखडा व त्यानुसार शाळेत दाखल  होणाऱ्या विद्यार्थ्यांची क्षैक्षणीक  पार्श्वभूमी तपासण्यासाठी शाळा पूर्व  तयारी कार्यक्रमाची आखणी करण्यासाठी, गुणवत्ता व दर्जेदार प्राथमिक शिक्षण शालेय विद्यार्थ्यांसाठी उपलब्ध करून देण्यासाठी जिल्हा परिषद शाळा विविध प्रकारच्या सातत्यपूर्ण शैक्षणिक उपक्रमांसाठी पालकांचे ही लक्ष वेधून घेत आहेत असे चित्र शाळा पूर्व तयारी मेळाव्यातून गावागावात दिसून येत आहे. 

रंगवलेल्या बोलक्या भिंती, विद्यार्थ्यांना आकर्षित करणारे विविध शालेय उपक्रम यामुळे जिल्हा परिषद शाळां  विद्यार्थ्यांना व पालकांना आकर्षित करीत आहेत. या मेळाव्यात प्रथमतः शाळेचे मुख्याध्यापक हारी मुळे व प्रमुख पाहुणे यांच्या हस्ते माता  सावित्रीबाई फुले यांच्या प्रतिमेचे पूजन करुन पुष्पहार अर्पण करून अभिवादन करण्यात आले.विशेष अतिथीच्या हस्ते विद्यार्थ्यांचे पुष्प गुच्छ देवून  सत्कार करण्यात  आला .

शाळेला गावाचा आधार असावा, गावाला शाळेचा अभिमान असावा. याप्रमाणे गावकऱ्यांनी शाळेसाठी भरीव योगदान देत असल्याचे  दिलासादायक चित्र गावागावांत दिसून येत आहे. पोखरभोसी ( ता. लोहा) येथे शाळा पूर्वतयारी मेळावा आयोजित करण्यात आला होता. यासाठी गावकऱ्यांनी सजविलेल्या बैलगाडीतून प्रवेश पात्र विद्यार्थ्यांना  बसवून मिरवणूक काढून शाळेत आणले. शुक्रवारी दि. २२ रोजी झालेल्या या जिल्हा परिषद शाळेच्या उपक्रमात गावातील प्रमुख गावातील मंडळी, पालक  अंगणवाडी सेविका,मदतनिस, शाळा समिती व्यवस्थापन सह उत्साहाने सहभागी झाले असल्याचे दिसून आले. 

कर्तव्यदक्ष, मनमिळावू स्वभावाचे लोहा पंचायत समितीचे

गटशिक्षणाधिकारी रवींद्र सोनटक्के जिल्हा परिषद नांदेड चे कार्यक्रमाधिकारी विलास ढवळे, विषयतज्ज्ञ श्री. संजय अकोले, यांनी यावेळी उपक्रमात सहभागी होवून मार्गदर्शन केले.साखर कारखाना गांधीनगर संकूलाचे केंद्रप्रमुख अशोक आढाव शालेय व्यवस्थापन समिती अध्यक्ष कैलास पाटील,सरपंच  प्रतिनिधी कैलास गिरी महाराज,उपसरपंच फुलाजी पाटील ताटे, विक्रम पाटील  डांगे,भगवान ताटे, गजानन डांगे, छावा तालुका अध्यक्ष श्रीनिवास पाटील ताटे, सौ.महानंदा सूर्यवंशी, गोविंद भावे,  माणिक ताटे, विजय ताटे, सौ.निलूताईताटे, सौ.शकुंतला ताटे,सौ.सखुबाई ताटे,मदतनीस सौ. मथूराबाई कांबळे,मुख्याध्यापक हारी मुळे, ज्योती शिंदे, नरसिंग रेगुलवाड, कोंडीबा कुंभारगावे, सायलू कानगुलवार, अमिन शेख, गोविंद चव्हाण या सर्व शिक्षकांनी व गावातील गावकरी मंडळी यांनी परिश्रम घेऊन मेळावा यशस्वी केला.