जमसंच्या नांदेड जिल्हा कमिटीच्या पदाधिकारी कॉ.लता गायकवाड यांच्या निवास स्थानी दि.३१ जानेवारी रोजी हळदी कुंकूवाच्या कार्यक्रमाचे आयोजन करण्यात आले होते. मकरसंक्राती पासून रथसप्तमी पर्यंत हळदी कुंकू केले जाते.हळदी कुंकू लावणे ही प्रथा फार जुनी असून असून महिलांशी निगडीत आहे.भारतीय समाजात व महाराष्ट्रात या सनाला अनन्यसाधारण महत्त्व आहे.
बहुतांशी ठिकाणी या सनाला धार्मिक,पारंपारिक व आधुनिकतेची झालर चढली असली तरी त्यास छेद देत माता सावित्री फुले यांच्या प्रतीमेस अभिवादन करून नांदेड शहरातील जनवादी महिला संघटनेच्या कार्यकर्त्यांनी अनोखा हळदी कुंकूवाचा कार्यक्रम घेतला आहे.सदरील कार्यक्रमामध्ये कॉ.लता गायकवाड,सावित्री गालफाडे,सीमा भालेराव,मीनाबाई रणखांबे,प्रेमाताई वाघमारे,दिपीका भिसे,नेमाबाई कंधारे,मनिषा भिसे,वर्षा वाघमारे,छायाबाई कंधारे,अश्विनी दरोडे,स्मिता कंधारे, छाया आंबटवार आदींनी सहभाग नोंदविला आहे.
