१२ वर्षापासूनचाही मागणी अद्यापही कोणीच लक्ष दिले नसल्याची हरिश्चंद्र ताडकुले यांची खंत
विनापरवाना पाण्याचा वापर होत असल्याने खरे हकदार शेतकरी सिंचनापासून वंचित
हिमायतनगर/नांदेड, अनिल मादसवार| नांदेड जिल्ह्यातील हिमायतनगर तालुक्यात येणाऱ्या मौजे वडगाव जवळील सुना तलावाची उंची कमी असल्याने या परिसरातील ८ गावे व ४ तांड्याच्या वस्तीला पाणी टंचाई भासत आहे. हि बाब लक्षात घेता शासनाने लवकरात लवकर या तलावाची उंची आणखी एक मीटरने वाढवावी आणि गावकर्यांच्या पिण्याच्या पाण्यासह कैनॉलमध्ये जमीन गेलेल्या शेतकऱ्यांच्या सिंचनाचा प्रश्न सोडवावा. अशी मागणी गावकर्यांनी एका निवेदनाद्वारे मुख्यमंत्री, उपमुख्यमंत्री, पालकमंत्री, खासदार, आमदार यांच्यासह संबंधित अभियंत्याकडे केली आहे. यासाठी गेल्या १२ वर्षापासून मी हि मागणी आमदार, खासदार महोदयाकडे करत असून, अद्यापही कोणीच याकडे लक्ष दिले नसल्याची खंत हरिश्चंद्र ताडकुले यांनी नांदेड न्यूज लाईव्हशी बोलतांना व्यक्त केली आहे.
हिमायतनगर तालुक्यातील आदिवासी पट्ट्यात असलेला गणेशवाडी, गणेशवाडी तांडा, सवना ज, पिछोण्डी, वडगाव बसस्टोप, वडगाव ज, वडगाव तांडा, बुरकुलवाडी, खैरगाव, खैरगाव तांडा १, २ व ३, वाळकी, वाळकी तांडा, या गावांची पिण्याच्या पाण्याची व सिंचनाची भिस्त वडगाव जवळील सुना तलावावर अवलंबून आहे. या सुना प्रकल्पातील सांडवा २०२ मीटर असून,त्याची उंची १ मीटरने वाढविणे यासाठी शासनाची सीमारेषा आणखी शिल्लक आहे. तलावाला दोन कैनॉल असून, उजवा कैनॉल १२ किलो मीटरचा तर डावा कालवा ६ किलो मीटरचा आहे. तसेच तलावाची पाळू २८४० मीटर आहे आजघडीला या तलावात झाडे झुडपे वाणासोबतीने वेधले असून, गाळ साचला असल्याने कैनॉल दुरुस्ती झाली नसल्याने व्यवस्थावपण बिघडून बंद पडले आहे. या तलावाच्या पाण्याने सिंचनाखाली येणारे लाभधारक व भूभाग हजारो एकराहून अधिकचा असून, या गावातील पाणी पुरवठ्याची नळयोजना यावर अवलंबून आहे. सांडव्यातून येणाऱ्या पाण्याचा तसेच वडगावकडे जाणाऱ्या नाल्याच्या पूल लहान असल्याने पावसाळ्यात नाल्याच्या वरून पाणी वाहून गावाचा संपर्क तुटतो. यावर्षी तर आलेल्या पुरता एक ऑटो वाहून गेला होता, सुदैवाने सर्वजण सुखरूप बचावले आहेत.
या गावाला संत महंतांची कृपा लाभलेली आहे, परंतु मानवी जीवनाला लागणारी प्रमुख गरज असलेल्या पाण्याची कमतरता भासत असल्याने नागरिकांना दिवाळीनंतर पाण्यासाठी भटकंती करावी लागते. या तलावाची बांधकामाला १९८४ साली सुरुवात झाली, याचे बुडीत क्षेत्र ४५०एकर आहे. मात्र या तलावाची दुरुस्ती झाली नसल्याने येथील अनेक शेतकऱ्यांच्या शेतीचे नियोजन कोलमडले आहे. परिणामी अनेक वाडी तांड्यातील नागरिक शासनाकडून मिळणाऱ्या स्वस्त धन्यावर जीवन जगात आहेत. यासाठी सण २०१० पासून अनेकदा आमदार, खासदारापर्यंत निवेदने दिली गेली. मात्र गावकऱ्यांच्या पदरी आजपर्यंत निराशाच आली आहे. गावाचा समावेश पाणलोट क्षेत्रात असून, सुद्धा गावचा आणि परिसराचा विकास होत नसल्याने गावकऱ्यातून खेद व्यक्त केला जात आहे. यामुळे निराश झालेल्या गावकर्यांनी आपल्या स्वाक्षरीनिशी प्रत्यक्ष आमदार, खासदार आणि अन्य राजकीय नेत्यांच्या भेटी घेऊन हि बाब लक्षात आणून देत निवेदने दिली आहेत. निवेदने देऊन सुना तलावाची उंची १ मीटरने वाढवावी, पूर्व पश्चिमेला गेटयुक्त बंधारा व्हावा, पूलची उंची वाढवावी, गावालगतच्या पाषाण असलेल्या घाटावर पायऱ्या बांधण्यात याव्यात.
शेतकऱ्यांना बारमाही पाणी उपलब्ध करून देणे तसेच नाल्यावर गेटयुक्त कोल्हापुरी बंधारे बांधणे, तलावातील गाळ काढून उजवा कालवा १२ किलोमीटर आणि डावा कालवा ६ किमी असलेल्या भागाची दुरुस्ती करून खडकी, टेभी ते खंडोबाचा माळ वाशी तसेच मुळझरा तलाव किनवट तालुका येथील कालव्या आधारे सुना प्रकल्पात पाणी सोडण्याचे काम करावे. वडगाव ज.बसस्थानकाच्या जागेला राजमाता पुण्यश्लोक यांचे नाव देऊन पुतळा बसवावा, दवाखाना ते जिरोणा रेल्वे स्टेशनपर्यंत विद्दुत पोल उभारून लाईट चालू करावी, वडगावसह तलावावर अवलंबून असलेल्या सर्व गावांना पिण्यासाठी शुद्ध पाणी मिळावे यासह अनेक मागण्या यात मांडण्यात आल्या आहेत. या निवेदनाच्या प्रति मागील काळापासून ते आजवर मुख्यमंत्री यांच्यासह संबंधित विभागाला देण्यात आल्या होता. हेच निवेदन पुन्हा गावकर्यांनी जलसंपदा मंत्री, लघु पाटबंधारे विभाग, जलसंपदा विभाग, जिल्हाधिकारी, तहसीलदार, पंचायत समिती, आजी माजी आमदार, खासदारांना पाठवीण्यात आल्या आहेत. या निवेदनावर पंडित कदम, पांडुरंग ताडकुले, श्याम बेळगे, संतोष करेवाड, बालाजी कोरेवाड, सुनील बेळगे, परमेश्वर बनसोडे, बालाजी गोरे, सतीश बनसोडे, मुकुंदराव गोरे, सतीश मोहिते, शिवाजी शिंदे, साहेबराव वने आदींसह अनेक गावकऱ्यांच्या स्वाक्षऱ्या आहेत.
या भागात सुना तलावाचं काम माजी मंत्री सूर्यकांताताई पाटील यांच्या काळात म्हणजे सण १९८४ ला करण्यात आले आहे. त्यावेळी हजारो हेक्टर शेती तलाव आणि कैनॉलसाठी शेतकऱ्यांनी दिली होती. त्यासाठी जमिनी दिलेल्या शेतकऱ्यांना या तलावाच्या पाण्याचा किंवा सिंचनासाठी कुठलाही फायदा होत नाही. कारण या तलावाच्या काठावरील काही शेतकरी उन्हाळ्यात विनापरवाना पद्धतीने किंवा १ एकरासाठी परवानगी असताना मोटारी लाऊन १० ते २० एकर जमिनी भिजून आपली शेती कसतात. त्यामुळे उजव्या कैनॉलचे गेट नादुरुस्त असल्याने या भागाकडे शेतकऱ्यांना सिंचनासाठी पाणी मिळत नाही. त्यामुळे या सर्व हकदार शेतकरयांना पाणी मिळावं म्हणून नादुरुस्त असलेल्या बांधावर भराव टाकून कैनॉलद्वारे पाणी मिळावे. यासाठी इसापूर धरणाचा उजवा कालवा विरसनी, टेम्भूर्णी, खडकी पर्यंत आलेला आहे, तसेच पुढे टेम्भीच्या माळ ते वाशी खंडोबा माळ, भिसी, मूळझरा असा झालेल्या पूर्वीच्या सर्वेनुसार तळ्यात आणून सोडावा. जेणेकरून आदिवासी, गाव तांडे बारमाही पाण्याने सुखी होतील. यासाठी प्रयत्न करणे गरजेचे असल्याचे मत हरिश्चंद्र ताडकुले यांनी व्यक्त केले.
