कोरोनावर प्रभावीपणे काम करणारे ‘रेमडेसिवीर इंजेक्शन’ची अनेक औषधी विक्रेते हे कृत्रिम टंचाई निर्माण करून रुग्णांच्या अडचणीत अजून भर घालत असल्याचे चित्र दिसून येत असून या संदर्भात सोशल मिडीयातूनही आवाज उठविल्या जात आहे त्याकडे प्रशासनाने तात्काळ लक्ष देत इंजेक्शनाच्या उपलब्धते बाबतच्या अधिकृत नोंदी अद्यायावत करत या संदर्भातील नियमावलीची तात्काळ अमलबंजावणी करावी व गरजू रुग्णांना ‘रेमडेसिवीर इंजेक्शन’चा त्वरीत पुरवठा व्हावा अशी मागणी नागरिकांकडून होत आहे .
रुग्णांना देण्यासाठी आवश्यक असलेले रेमडेसिवीर इंजेक्शनचा काळा बाजार थांबवा .. भागवत देवसरकर
जिल्ह्यात दररोज कोरोना रुग्णाची संख्या वरचेवर वाढत असल्यामुळे रेमडीसीवर इंजेक्शनला मागणी वाढत आहे, त्यातच औषध दुकानदार इंजेक्शनचा कृत्रिम तुटवडा करत आहेत, दुसरीकडे ऍडमिट असलेल्या रुग्णाच्या नातेवाईकांनी इंजेक्शनची संबंधित मेडिकलवर जाऊन मागणी केली असता आमच्याकडे औषधांचासाठा उपलब्ध नाही असे सांगून इंजेक्शन देण्यास नकार देत रुग्णांच्या नातेवाईकांना परत पाठवत आहेत. रेमडेसीवर इंजेक्शनाचा जिल्ह्यात किती साठा उपलब्ध आहे,व कोणत्या औषधी दुकान वर किती इंजेक्शनचा साठा उपलब्धता आहे याची माहिती स्टॉक रजिस्टरवर ठेवण्यास बंधनकारक करावे,व या इंजेक्शनची कृत्रिम टंचाई करून काळाबाजार करणाऱ्या औषधी दुकानदारावर त्वरीत कारवाई करून जिल्ह्यात या इंजेक्शनचा मुबलक प्रमाणात पुरवठा करावा व रुग्णांना मिळण्यास अडचण होऊ नये याची जिल्हा प्रशासनाने काळजी घ्यावी अशी आग्रही मागणी शेवटी निवेदनात जिल्हा ग्राहक संरक्षण परिषदेचे अशासकीय सदस्य भागवत देवसरकर यांनी केली आहे.
