हिमायतनगर। वंचित बहुजन आघाडी पक्षाची दि.१६ सप्टेंबर२०२२ रोजी एक महत्त्वपूर्ण बैठक नांदेड येथे आयोजित करण्यात आली होती. त्या बैठकीत सर्वानुमते बिनविरोध हिमायतनगर तालुक्याची नूतन कार्यकारणी घोषित करण्यात आली आहे. त्यामध्ये हिमायतनगर तालुका अध्यक्षपदी आयु.धम्मपाल वाढवे आंदेगांवकर यांची निवड करण्यात आल्याचे वंचित बहुजन आघाडीच्या प्रदेशाध्यक्षा श्रीमती रेखाताई ठाकूर यांनी एका प्रसिद्धी पत्रकारद्वारे कळविले आहे.
तालुक्यात वंचित बहुजन आघाडी पक्षाची ताकद दाखवून स्थानिक स्वराज्य संस्थांच्या निवडणुकीत जास्तीत जास्त प्रमाणात उमेदवार उभे करुन विजयी करण्यासाठी महाराष्ट्राच्या प्रदेश अध्यक्षा श्रीमती रेखाताई ठाकूर मुंबई यांच्या आदेशावरून हिमायतनगर तालुक्याचा विस्तार करण्यासाठी दि.१६ सप्टेंबर २०२२रोजी भैय्यासाहेब आंबेडकर परीक्षण केंद्र उल्हासनगर नांदेड येथे वंचित बहुजनआघाडी पक्षाचे महाराष्ट्र राज्य उपाध्यक्ष गोविंद दळवी यांच्या अध्यक्षतेखाली एक विशेष बैठक घेण्यात आली. या बैठकीमध्ये हिमायतनगर तालुका कार्यकारणी घोषित करण्यात आली आहे.
त्यात हिमायतनगर तालुका अध्यक्षपदी धम्मपाल वाढवे, उपाध्यक्षपदी विशाल हनवते,महासचिव अँड शेख जब्बार सरसमकर,सुनील गौतम घोडगे महासचिव कारला पी.,प्रकाश भिमराव वाठोरे उपाध्यक्ष सिरंजनी,संतोष यशवंतराव खिल्लारे धानोरा ज., संभाजी विठ्ठलराव राऊत पवना, गणेश पांडुरंग मुनेश्वर बोरगाव,संजय दत्तराव राऊत सवना,आकाशआनंदा कदम वारंगटाकळी,वैभव प्रकाश नरवाडे कामारी,राजरत्न सुरेश राऊत पवना,राहुल गोविंद तुळसे धानोरा ज. अविनाश नारायण कदम पोटा बु., बाळासाहेब यशवंत सावते वडगाव, योगेश रावसाहेब लव्हाळे पारवा खु.,अमोल दिलीपराव वाडेकर पळसपुर,शरद केरबाजी हनवते खडकी बा.,स्वप्निल प्रकाशराव हनवते सोशल मीडिया तालुका अध्यक्षपदी,चंद्रकांत दिगांबर काळबांडे आंदेगाव,गोविंद गोखले सरसम बु.,भूमना यल्लाप्पा मिरेवाड आंदेगाव,शेख ऐस्ताक सरसम बु., सतीशभुसावळेआंदेगाव,अरुण साहेबराव सावते दिघी,सुभाष गोपणे मंगरूळ,सिद्धार्थ वाठोरे मंगरूळ, विशाल राऊत पारडी यांची वंचित बहुजन आघाडी पक्षाच्यां तालुका स्तरीय विविधपदावर निवडी करण्यात आल्याचे पत्र प्रदेशाध्यक्षा श्रीमती रेखाताई ठाकूर मुंबई यांनी दिले आहे.
त्यामुळे आगामी स्थानिक स्वराज्य संस्थांच्या निवडणुकीत वंचित बहुजन आघाडी पक्ष संपूर्ण ताकदीने मैदानात उतरणार आहे.वरिल लोकांची निवड झाल्याबद्दल गंगाधर वाघमारे, डॉ.रविराज दुधकावडे,गोविंद गोखले,राज वाठोरे,नागोराव गुंडेवाड, कपिल वाठोरेआदींनी पुढील कार्यास हार्दिक शुभेच्छा दिल्या आहेत.पक्षाच्यां कामासाठी मोठ्या संख्येने कार्यकर्ते कामाला लागले आहेत.
