अवास्तव बिले,मनमानी कारभारा विरोधात मुखेड तालुक्यातील नागरिकांनी दिले प्रशासनाला निवेदन
मुखेड रणजित जामखेडकर। मुखेड महावितरणच्या भोंगर कारभाराविरोधात मुखेड मध्ये जनआक्रोष पाहायला मिळाला यात दि. ०५ ऑगस्ट २०२२ रोजी जिल्हाधिकारी नांदेड यांना तहसिलदार मुखेड मार्फत मुखेडकरांनी घोषना देत निवेदन दिले.
मुखेड महावितरण कंपनीचा विद्युत ग्राहकांना नियमित विज भरणा करुनही अवास्तव विद्युत देयके देणे, विद्युत पुरवठा नियमितपणे न देणे, पुर्वसुचना न देता विद्युत पुरवठा खंडीत करणे व शहरातील डि. पी. महावितरण कंपनीची परवानगी न घेता परस्पर बदलणे, ग्राहकांना नाहक मनस्ताप देणे, मनमानी कारभार करणे,ग्राहकांशी हुज्जत घालणे या गंभीर प्रकरणी जिल्हा कार्यकारी अभियंता ताबडतोब लक्ष घालावे स्थानिक निष्क्रिय कनिष्ठ अभियंताची तात्काळ बदली करावी अशा मागण्यांचे निवेदन देण्यात आले.
नियमीतपणे बिल भरण्याऱ्या ग्राहकांना अवास्तव हजारो रुपयांचे अंदाजे बिले देऊन सक्तीची वसुली महावितरण करीत असुन मागील दोन वर्षापासुन कोरोनाचा काळ आणि त्यात महावितरणकडून अव्वाच्या सव्वा बिले घरात कोणीही नसताना मनमानी कारभार करुन विज पुरवठा खंडीत करीत आहेत. अशा मनमानी कारभाराविरोधात गंभीरपणे चौकशी करुन विज ग्राहकांना दिलासा दयावा अन्यथा दि. १२ ऑगस्ट २०२२ रोजी धरणे आंदोलन करु इसा इशाराही यावेळी देण्यात आला.
यावेळी माजी नगरसेवक प्रा. विनोद आडेपवार, शिवसेना उपजिल्हा प्रमुख भालचंद्र नाईक, शिवसेना तालुका प्रमुख नागनाथ लोखंडे, दत्तात्रय चौधरी , ज्ञानेश्वर डोईजड, पत्रकार संदिप पिल्लेवाड, शिवशंकर पाटील कलंबरकर, प्रा. विठठल इंगळे, अँड गोविंद डुमणे, प्रहार चे शहराध्यक्ष साईनाथ बोईनवाड, बालाजी पा. ढोसणे,बबलु शेख, प्रमोद मदारीवाले, अदनान पाशा, नागनाथ पाटील बेळीकर, नागेश लोखंडे, कैलास राहेरकर, कपिल विजापुरे बेळीकर, बंटी भद्रे,आर.जी.बोडके,सय्यद गौस सलगरकर, काशिनाथ येवते, प्रभाकर कागदेवाड,मारोती घाटे, साई भांगे,केशव गायकवाड, मिलिंद भद्रे,संतोष कमठेवाड, सुरज रत्नपारखे यांच्यासह अनेकांच्या स्वाक्षऱ्या आहेत.
