प्रकाश कामाजी नवरे यांचा सेवापुर्ती व अभिष्टचिंतन सोहळा थाटात संपन्न..।
लोहा| तालुक्यातील दगडगाव येथे पंचशील बुद्ध विहाराच्या मैदानात , परम पुज्य बोधिसत्व डॉ. बाबासाहेब आंबेडकर यांच्या पूर्णाकृती पुतळ्याचा अनावरण सोहळा मोठ्या जल्लोषात संपन्न झाला. यावेळी मा.प्रकाश कामाजी नवरे यांचा सेवापुर्ती व अभिष्टचिंतन सोहळा या निमित्ताने घेण्यात आलेल्या कार्यक्रमात पुज्य भदंत उपगुप्तजी महास्थवीर यांचा संघ आणि मान्यवर मंडळीची उपस्थिती होती.
याबाबतचे सविस्तर वृत्त असे की, सुरवातीला गावातील प्रमुख मार्गाने भव्य मिरवणूक काढण्यात आली.त्यानंतर महापुरुषांच्या प्रतिमेला अभिवादन करुन, मान्वरांची भाषने झाली. व त्यानंतर परभणी जिल्हा मध्यवर्ती सहकारी बँकेचे मैनेजर प्रकाश कामाजीराव नवरे यांनी त्यांचा सेवानिवृत्ती व 58 व्या वाढदिवसाच्या निमित्ताने त्यांचे आई-वडील यांच्या स्मरणार्थ प.पू. डॉ बाबासाहेब आंबेडकर यांचा पूर्णाकृती पुतळा पंचशील बुद्ध विहार मौजे दगडगावच्या प्रांगणात स्वखर्चाने उभारला होता. या भव्य पुतळ्याचे अणावरण पुज्य भदंत उपगुप्तजी महास्थवीर यांचा संघ व नांदेड दक्षिण मतदारसंघाचे लोकप्रिय आमदार मोहनराव हंबर्डे यांचे चिरंजीव राहुल हंबर्डे नांदेड महापालिका मा आयुक्त प्रकाश येवले,गटविकास अधिकारी मा वावळे, श्रीनिवास मोरे, कालीदास मोरे, तुकाराम ढवळे, यांच्या शुभहस्ते करण्यात आले.
यावेळी बापुराव ढवळे, राजेश उराडे, साहित्यिक प्रज्ञाधर ढवळे, आकाशवाणीचे आनंद गोडबोले, तलाठी पाईकराव विविध क्षेत्रातील मान्यवर, राजकीय पुढारी परिसरात सर्व सरपंच गावातील सर्व प्रतिष्ठित व्यक्ती. ग्रामपचायत सर्व सदस्य, सेवा सहकारी सोसायटीचे चेअरमन सर्व सभासद, पोलीस पाटील यांच्या सह हजारोंचा जनसमुदाय उपस्थित होता.
