अन्नदान हे सर्वश्रेष्ठ दान - जयसिंगराव गायकवाड
अर्धापूर, निळकंठ मदने| वृद्धाश्रमातील निराधार गरजू वृद्ध महिलांसोबत विरोधी पक्षनेते अजितदादा पवार यांचा वाढदिवस साजरा करून राष्ट्रवादी युवक काँग्रेसने शरदचंद्रजी पवार साहेब व राष्ट्रवादी काँग्रेस पक्षाला अभिप्रेत असलेला उपक्रम राबवलात व अन्नदान हे जगातील इतर कोणत्याही दानापेक्षा सर्वश्रेष्ठ दान असल्याचे मत पक्षाचे मराठवाडा संपर्क प्रमुख तथा माजी केंद्रीय मंत्री जयसिंगराव गायकवाड, यांनी व्यक्त केले.
यावेळी प्रमुख पाहुणे राष्ट्रवादी युवक काँग्रेस जिल्हाध्यक्ष धनंजय सूर्यवंशी राष्ट्रवादी काँग्रेस जिल्हा सरचिटणीस डी बी जांभरुणकर, राष्ट्रवादी काँग्रेस महिला कार्याध्यक्ष सुनंदाताई जोगदंड राष्ट्रवादी युवक काँग्रेस जिल्हा उपाध्यक्ष चंद्रकांत पाटील टेकाळे उपस्थित होते. राष्ट्रवादी काँग्रेस पक्षाचे नेते राज्याचे माजी उपमुख्यमंत्री तथा विरोधी पक्षनेते अजितदादा पवार यांच्या वाढदिवसानिमीत्त राष्ट्रवादी युवक काँग्रेस भोकर विधानसभा अध्यक्ष आत्माराम पाटील कपाटे यांच्या वतीने "संध्या छाया" वृद्धाश्रम नांदेड येथे महिलांसोबत केक कापून, अन्नदान व फळेवाटप करत वाढदिवस साजरा करण्यात आला.
माजी मंत्री जयसिंग गायकवाड यांनी यावेळी बोलताना सामाजिक बांधिलकी जोपासणारा हा कार्यक्रम राबवल्याबद्दल आत्माराम पाटील कपाटे यांचे यावेळी कौतुक केले यावेळी जिल्हा उपाध्यक्ष अंबादास जोगदंड, प्रा.शिवराज पवार, अर्धापुर तालुकाध्यक्ष दत्ता पारवे, शहराध्यक्ष संदिप राऊत, कैलास कदम, गणेश आरसुळे, गणेश जोगदंड, कैलास कदम, अमोल कपाटे, आकाश कपाटे यांच्यासह राष्ट्रवादी युवक काँग्रेसचे पदाधिकारी व कार्यकर्ते मोठ्या संख्येने उपस्थित होते.
