नांदेड| येथील प्रादेशिक परिवहन कार्यालय व गट शिक्षणाधिकारी भोकर यांचे संयुक्त विद्यमाने भोकर तालुक्यातील सर्व माध्यमिक व प्राथमीक शाळांचे मुख्याध्यापक यांची बैठक नुकतीच संपन्न झाली.
या बैठकीमध्ये शालेय परिवहन समिती, स्कुल बस नियमावली व स्वातंत्र्याच्या अमृत महोत्सवा निमीत्त रस्ता सुरक्षाबाबत सहा. मोटार वाहन निरीक्षक प्रविण रहाणे यांनी मार्गदर्शन केले. बैठकीस भोकर तालुक्याती 90 शाळांच्या मुख्याध्यापकांनी सहभाग नोंदविला होता. उपविभागीय अधिकारी राजेंद्र कंधारे, तहसीलदार राजेश लांडगे, गट विकास अधिकारी अमित राठोड, गट शिक्षणाधिकारी वाघमारे यांची उपस्थिती होती.
अर्धापूर येथे रस्ता सुरक्षा मार्गदर्शन शिबिर संपन्न
नांदेड प्रादेशिक परिवहन कार्यालयातर्फे अर्धापुर तालुक्यातील महात्मा बसवेश्वर विद्यालय, मिनाक्षी देशमुख मेमोरियल माध्यमिक मुलीची शाळा व जिल्हा परिषद शाळा अर्धापूर येथे स्वातंत्र्याच्या अमृत महोत्सवानिमित्त रस्ता सुरक्षा मार्गदर्शन शिबीराचे आयोजन नुकतेच करण्यात आले होते.
या शिबीरामध्ये शाळेचे मुख्याध्यापक, शिक्षक व विद्यार्थी उपस्थित होते. रस्ता सुरक्षा विषयक नियमांचे, वाहन चालविताना घ्यावयाची काळजी, वाहतूक चिन्ह, हाताचे इशारे, हेल्मेट/सिटबेल्ट परिधान करणे व मुलांनी रस्त्यावर वावरतांना कसे वागावे याबाबत मार्गदर्शन सहा. मोटार वाहन निरीक्षक वैभव डुब्बेवार, स्वप्निल राजुरकर व निलेश ठाकुर यांनी केले. तसेच शाळेतील मुख्याध्यापक व शिक्षकांना शालेय परिवहन समिती व स्कुलबस नियमावली बाबत माहिती दिली.
