नांदेड। सामाजिक क्षेत्रात उल्लेखनीय कार्य करत असलेल्या जनशक्ती संघटनेच्या नांदेड (उत्तर)जिल्हा उपाध्यक्ष पदी शरद पाटील कदम यांची निवड करण्यात आली असून. निवडीचे पत्र प्रदेशाध्यक्ष उमाकांत पाटील तिडके व जिल्हाध्यक्ष शंकर सिंह ठाकूर यांचे हस्ते देण्यात आले आहे. सदरच्या निवडीबद्दल अभिनंदन करण्यात येत आहे.
महाराष्ट्रात प्रभावशाली संघटना म्हणून नावारूपास येत असलेल्या आणि संस्थापक अध्यक्ष अतुलभाऊ खुपसे पाटील यांच्या समर्थ नेतृत्वाखाली सामाजिक क्षेत्रात उल्लेखनीय कार्य करत असलेल्या जनशक्ती संघटनेची चळवळ मोठ्या प्रमाणात वाढत आहे. अशा संघटनेचा घटक होण्यासाठी हदगाव येथील सामाजिक कार्यकर्त्ये तथा पत्रकार शरद पाटील कदम यांची निवड करण्यात आली आहे.
हे सामाजिक क्षेत्रात मागच्या अनेक वर्षांपासून कार्यरत आहेत, स्त्रियांवरील अन्याय, अत्याचारा विरोधात आवाज उठवणारे, शेतकर्यांना साथ देऊन त्यांचे प्रश्न मार्गी लावणारे व गोरगरिबांना न्याय मिळवून देणारे पत्रकार म्हणून हि ओळखले जातात. सामाजिक क्षेत्रात कार्यरत असताना पत्रकारिता ही त्यांनी जोपासली आहे. यांची जनशक्ती संघटनेच्या नांदेड जिल्हा उपाध्यक्ष पदी निवड करण्यात आली असल्याने निश्चितच नांदेड जिल्ह्यात संघटना मजबूत करण्यासाठी बळ मिळणार आहे.
सामाजिक कार्यात नेहमीच पुढाकार घेवून काम करणाऱ्या शरद पाटील कदम यांच्या कामाची दखल घेवून संघटनेचे महाराष्ट्र प्रदेशाध्यक्ष उमाकांत पाटील तिडके व जिल्हाध्यक्ष शंकर सिंह ठाकूर यांनी नांदेड जिल्हा उपाध्यक्ष पदी निवड करुन नियुक्ती पत्र दिले आहे. संघटनेचे ध्येय धोरणे व शेतकरी, कामगार, निराधार यांचा आधार होण्याबरोबरच संघटनेची प्रतिमा उंचावण्यासाठी काम करावे अशी अपेक्षा तिडके यांनी व्यक्त केली.
यावेळी नांदेड जिल्हाध्यक्ष शंकरसिंह ठाकूर, जिल्हाध्यक्ष बाळू पाटील शिरफुले, जिल्हा सचिव दिनेश पाटील,जिल्हा कार्याध्यक्ष मारोती शिकारे, हादगाव तालुका अध्यक्ष दादाराव खंदारे, महिला आघाडी नांदेड जिल्हाध्यक्षा विद्या वाघमारे, महिला आघाडी नांदेड जिल्हाध्यक्षा रजनी मेडपल्लेवार, महिला आघाडी नांदेड जिल्हा उपाध्यक्षा सिमा लोहराळकर (स्वामी) आदी उपस्थित होते.
