उपप्रादेशिक परिवहन अधिकारी
नांदेड| रस्ता सुरक्षिततेच्या दृष्टिकोणातून दुचाकी स्वारांना वाहन रस्त्यावर चालवितांना हेल्मेट परिधान / घालणे हे मोटार वाहन अधिनियम 1988 च्या कलम 129 मध्ये नमूद आहे. यासंदर्भात मा. उच्च न्यायालय व मा. सर्वोच्च न्यायालय यांनी देखील दुचाकी वाहन चालवतांना हेल्मेट घालणे अत्यावश्यक असल्याबाबत निर्णय दिलेले आहेत. यासंदर्भात मा. जिल्हाधिकारी नांदेड यांनी 30 मार्च 2022 रोजी परिपत्रकान्वये आदेश निर्गमीत केले आहेत.
या संदर्भानुसार उपप्रादेशिक परिवहन अधिकारी नांदेड यांनी प्रसिद्धी पत्रकान्वये आवाहन केले आहे.हेल्मेट फक्त शासकीय कार्यालयामध्ये कार्यालयीन कामासाठी येणारे नागरीक व त्या कार्यालयातील सर्व कर्मचारी, अधिकारी हे विनाहेल्मेट दुचाकी वाहनावर प्रवास केल्यास मोटर वाहन अधिनियमानुसार कारवाई होणार आहे, असे आवाहन प्रादेशिक परिवहन अधिकारी यांनी प्रसिद्धी पत्रकान्वये केले आहे.
