नांदेड| भारतरत्न डॉ. बाबासाहेब आंबेडकर यांच्या जयंतीनिमित्त त्यांच्या जीवन कार्यावर, त्यांच्या विचारावर व्यापक चर्चा होऊन अधिकाधिक लोकांपर्यंत त्यांची शिकवण कशी पोहचेल याचा ध्यास प्रत्येकाने घेतला पाहिजे, असे प्रतिपादन डॉ. प्रकाश मोगले यांनी केले. सामाजिक न्याय विभागातर्फे आयोजित करण्यात आलेल्या कार्यक्रमात ते बोलत होते.
कार्यक्रमाच्या अध्यक्षस्थानी समाज कल्याण अधिकारी बापू दासरी हे होते. समाज कल्याण सहाय्यक आयुक्त डॉ. तेजस माळवदकर यांची प्रमुख उपस्थिती होती. यावेळी संशोधन अधिकारी सतेंद्र आऊलवार, वरिष्ठ समाज कल्याण निरिक्षक अशोक गोडबोले, सहाय्यक लेखाधिकारी डी. वाय. पतंगे आदी मान्यवर उपस्थित होते. कार्यकमाचे सुत्रसंचालन तालुका समन्वयक गजानन पंपटवार यांनी केले तर आभार समाज कल्याण निरिक्षक दत्तहरी कदम यांनी मानले.
