उस्मानाबाद/तुळजापूर। आ. संतोष बांगर यांचा तुळजापूर येथील शिवसैनिकांकडून कोरोना काळात केलेल्या जनसेवेबद्दल सन्मान करण्यात आला. यावेळी तुळजापूर येथे शिवजयंती निमित्त आयोजित कार्यक्रमात छत्रपतींच्या चरणी नतमस्तक होऊन शिवरायांचे दर्शन घेतले.
आज हिंगोली शिवसेना जिल्हा प्रमुख तथा कळमनुरी विधानसभा मतदारसंघाचे लोकप्रिय आमदार श्री संतोष बांगर हे तुळजापूर शहरात आले असता त्यांनी आई तुळजा भवानीचे मनोभावे दर्शन घेतले. तसेच यावेळी शिवजयंती निमित्त आयोजित कार्यक्रमात छत्रपती शिवरायांचे दर्शन घेऊन शिवजयंती महोत्सवात सहभाग घेतला.
तुळजापूर येथील शिवसेनेच्या पदाधिकारी व शिवसैनिकांतर्फे आमदार संतोष बांगर साहेब यांचा कोरोना काळात केलेल्या जनसेवेबद्दल गौरव करण्यात आला. यावेळी जि. प. समाज कल्याण सभापती फकीरराव मुंढे, युवा सेना जिल्हाप्रमुख रामभाऊ कदम, दिनकरराव गंगावणे व तुळजापूर येथील शिवसेनेचे प्रमुख पदाधिकारी व मोठ्या संख्येने शिवसैनिक उपस्थित होते.
