कार्यवाही झाली नाहीतर न्यायालयात जाणार
हिमायतनगर| येथील पळसपूर रोडवर असलेल्या इंदिराबाई श्रीराम वाळके यांच्या मालकी शेत सर्वे नंबर 47/2 मधील जागेवर ग्रा.पं. च्या मालमत्ता रजिस्टरला मालमत्तेची नोद नसतांना कृषिक जमिनीला अकृषीक दाखविण्यासाठी आर्थीक देवाण - घेवाणा करुन तत्कालीन ग्रामसेवक गर्दसवार यांनी बांधकाम परवानगी व बांधकाम पुर्ण झाल्याचे प्रमाणपत्र दिले आहे. एवढंच नाहीतर दस्ताऐवज मध्ये हेराफेरी करून बनावट दस्ताऐवज दाखल करत शासन व जनतेची दिशाभूल करून विद्यार्थ्यांच्या नावाने शासनाचा निधी हडपण्याचा प्रयत्न जतनबाई शेखावत आश्रम शाळेच्या संस्थाचालकाने केला आहे. या प्रकारची उच्चस्तरीय चौकशी करून संबंधितांवर फौजदारी गुन्हा दाखल करण्यात यावा. अशी मागणी गोविंद शिंदे यांनी हिमायतनगर पोलीस ठाण्यात तक्रार देऊन केली आहे. याबाबत त्यांनी हिमायतनगर पोलीस ठाण्यात दिलेल्या निवेदन तक्रारीत म्हंटले आहे कि, तत्कालीन ग्रापंचायत कार्यालयात हिमायतनगरची माहिती मागविली असता मातोश्री जतनबाई रामसिंह शेखावत प्राथमिक व माध्यमिक आश्रम शाळा हिमायतनगरची जागा ग्रामपंचायत कार्यालयाच्या मालमत्ता अभिलेखावर नोंदीच्या कागदपत्राच्या सत्यप्रती घेतल्या. त्यामध्ये सदरील शाळेची मालमत्ता अभिलेखावर नोंद सौ.इंदिराबाई श्रीराम वाळके यांच्या मालकीची सर्वे क्रं.47/2 क्षेत्रफळ 1 हेक्टर 27 आर पैकी 80 आर जमिनीचे बिगर शेती वाणिजिक प्रयोजनार्थ वापर करण्याची परवानगी (N.A.) दिनांक 06.08.2016 ला मिळाल्य नंतर ( वार्ड क्रे. 17 मालमत्ता क्रमांक 616) घेण्यात आल्याचे दिसते.
त्यामुळे तक्रारकर्ते शिंदे यांनी नगरपंचायत कार्यालय हिमायतनगर येथे माहिती अधिकार अर्जानुसार संबंधित शाळेचा नमुना नंबर 43, बांधकाम परवानगी आणि N.A. च्या सत्यप्रती मिळविली. त्यानुसार संबंधीत शाळेचा नमुना नंबर 43, N.A. च्या सत्यप्रती आणि बांधकाम परवानगी जा.क्रं. 469 दिनांक 09.01.2015 रोजी तत्कालीन ग्रामसेवक शकर गर्दसवार यांच्या स्वाक्षरीने निर्गमीत केलेली असुन, नगर पंचायत कार्यालय यांचे पत्र जा.क्रं.नंपहि/विभाग/वसुली विभाग/ 545/2021 दि.15.06.2021 नुसार सदरील मालमत्ताहि दिनाक 06.08.2016 च्या नंतर मालमत्ता रजिस्टरला नोंद झाल्याचे दिसते आहे. त्यापुर्वी म्हणजे दि. 09 जानेवारी 2015 अंदाजे दिड वर्षापुर्वी बांधकाम परवानगी तत्कालीन ग्रामसेवक शंकर गर्दसवार यांनी कशी काय..? यात दिली असा प्रश्न निर्माण होतो आहे.
त्यानंतर नगर पंचायत कार्यालय हिमायतनगर यांच्याकडे सदरील शाळेच्या ईमारतीचे व परीसराचे बांधकाम पुर्ण झालेच्या प्रमाणपत्राची सत्यप्रत मिळविले. त्यांनुसार जावक रजिष्टर, दस्तावेज पडताळणी केली असता सदरील प्रमाणपत्र निर्गमीत केल्याचे दिसुन येत नाही असे कळविले आहे. त्यामुळे सार्वजनिक बांधकाम विभाग, भोकर येथून सदरील शाळेच्या व इतर इमारतीच्या मुल्याकंनाच्या सत्यप्रती व त्यासंबंधी सर्व कागदपत्रे माहिती अधिकार नुसार मागीली होती. बांधकाम विभागाने दिलेल्या माहितीनुसार सदरील शाळेचे बांधकाम पुर्ण झाल्याचे प्रमाणपत्र जा.क्रं. 519 दिनाक 05.06.2015 ग्रा.पं. हिमायतनगर तत्कालीन ग्रामसेक शंकर गर्वसवार यांच्या स्वाक्षरीने निर्गमीत झाल्याचे सांगण्यात आले. परंतु नगर पंचायत कार्यालय हिमायतनगर यांनी असे बांधकाम पुर्ण झाल्याचे प्रमाणपत्र दिल्याचे दिसुन येत नाही हे यावरून स्पष्ट होते आहे.
या संबंधीत तक्रारदार गोविंद शिंदे यांनी मुख्याधिकारी नगर पंचायत कार्यालय, हिमायतनगर यांच्याकडे नोव्हेंबर, डिसेंबर महिन्यात चौकशी करुंन संबंधितावर फौजदारी गुन्हे दाखल करावे अशी मागणी केली. मात्र या प्रकरणी नगरपंचायतीने कसलीही कार्यवाही केली नाही. त्यामुळे अखेर तक्रारकर्ते शिंदे यांनी हिमायतनगर पोलीस ठाण्यात निवेदन देऊन पोलीस निरीक्षक अशोक अनंत्रे याना संबंधित प्रकरणी योग्य ती चौकशी करुन तत्कालीन ग्रामसेवक शंकर गर्दसवार यांच्यावर फौजदारी गुन्हे दाखल करावे आणि खोटे दस्तऐवज देऊन शासन व जनतेची फसवणूक करणाऱ्या संस्थेवरही कार्यवाही व्हावी अशी मागणी केली आहे. या अर्जाच्या प्रति त्यांनी जिल्हा पोलीस अधिक्षक नांदेड, उपविभागीय पोलीस अधिकारी, भोकर, मुख्याधिकारी, नगर पंचायत हिमायतनगर याना दिल्या आहेत. आता यावर पोलीस काय कार्यवाही करते ते पाहावे लागणार असून, येथे कार्यवाही झाली नाहीतर न्यायालयाकडे दाद मागावी लागेल असे तक्रारकर्ते गोविंद शिंदे यांनी सांगितले आहे.
