हिमायतनगर। येथील ग्रामीण रुग्णालयासह सरसम येथील प्राथमिक आरोग्य केंद्रात पल्स पोलिओ लसीकरण मोहिमेचा शुभारंभ हदगाव हिमायतनगर तालुक्याचे आमदार माधवराव पाटील जवळगावकर यांच्या हस्ते करण्यात आले.
आज दि.27 फेब्रुवारी रोजी सकाळी 8 वाजता प्रा.आ. केंद्र सरसम अंतर्गत आरोग्य वर्धिनी उपकेंद्र जवळगाव येथे वयोगट 0 ते 5 वर्ष वयोगटातील बालकांना पल्स पोलिओ लसीकरणाचे दोन थेंब पाजून मोहिमेचे उदघाटन हिमायतनगर / हदगावचे आमदार माधवराव पाटील जवळगावकर यांच्या हस्ते करण्यात आले. त्यानंतर लागलीच 9 वाजता हिमायतनगर येथील ग्रामीण रुग्णालयात पोलीस लसीकरण शुभारंभ करण्यात आला.
यावेळी त्यांनी वैद्यकीय यंत्रणाना शहरासह तालुक्यातील एकही बालक पोलीओ लसीपासून वंचित राहू नये. सर्व बालकांना लस मिळाली पाहिजे याची खबरदारी घेऊन लसीकरण करावे असे आवाहन केले. यावेळी वैद्यकीय अधीक्षक डॉ गायकवाड, काँग्रेसचे शहराध्यक्ष संजय माने, माजी तालुका अध्यक्ष जनार्दन ताडेवाड, माजी नगराध्यक्ष अखिल भाई, योगेश चिलकावार, पंडित ढोणे, आदींसह अनेक मान्यवरांची उपस्थिती होती. यावेळी आ माधवराव पाटील जवळगावकर यांचा पुष्पगुच्छ देऊन डॉ गायकवाड यांच्या हस्ते स्वागत, सन्मान करण्यात आला. यावेळी ग्रामीण रुग्णालयातील सर्व अधिकारी कर्मचारी व गावकरी उपस्थिती होते.
आज प्रा.आ. केंद्र सरसम अंतर्गत आरोग्य वर्धिनी उपकेंद्र जवळगाव येथे वयोगट 0 ते 5 वर्ष वयोगटातील बालकांना पल्स पोलिओ लसीकरणाचे दोन थेंब पाजून मोहिमेचे उदघाटन करताना मा. जिल्हा परिषद अध्यक्षा, नांदेड शांताबाई जवळगावकर आईचे छायाचित्र.
