नांदेड जिल्हा व महानगर मराठी पत्रकार संघाच्यावतिने अभिवादन
नांदेड| मराठी वृत्तपत्र सृष्टीचे जनक दर्पणकार बाळशास्त्री जांभेकर यांच्या जयंतीनिमित्त व हुतात्मा कॉ.गोविंदराव पानसरे यांच्या स्मृतिदिनानिमित्त त्यांना नांदेड जिल्हा व महानगर मराठी पत्रकार संघाच्यावतीने आज अभिवादन करण्यात आले.
प्रारंभी दर्पणकार बाळशास्त्री जांभेकर व हुतात्मा कॉ.गोविंदराव पानसरे यांच्या प्रतिमांना पुष्पहार अर्पण करुन नांदेड जिल्हा व महानगर मराठी पत्रकार संघाच्यावतीने सायं.दै.नांदेड वार्ता कार्यालय, नांदेड येथे आयोजीत कार्यक्रमात अभिवादन करण्यात आले.
या कार्यक्रमाच्या अध्यक्षस्थानी नांदेड जिल्हा मराठी पत्रकार संघाचे अध्यक्ष ऍड.प्रदीप नागापूरकर तर,जिल्हा सरचिटणीस सुभाष लोणे,जिल्हा उपाध्यक्ष लक्ष्मणराव मा.भवरे, महानगर मराठी पत्रकार संघाचे अध्यक्ष विश्वनाथ देशमुख,ज्येष्ठ पत्रकार सुधीर प्रधान, महानगर कार्याध्यक्ष रविंद्र संगनवार, महानगर उपाध्यक्ष अविनाश पाटील,महानगर कोषाध्यक्ष नरेश तुप्तेवार,सोशल मिडियाचे निमंत्रक इंजि. गजानन कानडे,इंजि.ईम्रानखान पठाण,प्रमोद गजभारे,गणेश संदुपटला, नागसेन डोंगरे,श्याम कंदारे आदींची यावेळी उपस्थिती होती.
यावेळी बोलतांना जिल्हाध्यक्ष एँड.नागापूरकर म्हणाले की,दर्पणकार बाळशास्त्री जांभेकर यांनी मराठी वृत्तपत्र सृष्टीची मुहूर्तमेढ रोवली.दर्पण या वृत्तपत्रातून प्रखर आवाज उठवला.त्यांची पत्रकारिता आजच्या पत्रकारांना प्रेरणादायी आहे.तर,हुतात्मा कॉ.गोविंदराव पानसरे यांनी सामाजिक कार्यात आपल्या कार्याने आपली ओळख सिध्द करुन आपले समाजसेवेचे कार्य निरंतर केले.ते समाजकंटकांनी केलेल्या हल्ल्यात शहीद झाले.या दोन्ही महापुरुषांचं कार्य हे समाज कधीच विसरु शकणार नाही. भावी पिढींनी त्यांच्या कार्याची धुरा खांद्यावर घेवून काम केले पाहिजे,असे आवाहनही त्यांनी यावेळी केले. शेवटी,सुभाष लोणे यांनी उपस्थितांचे आभार मानले.
‘स्वारातीम’ विद्यापीठामध्ये बाळशास्त्री जांभेकर यांची जयंती साजरी -स्वामी रामानंद तीर्थ मराठवाडा विद्यापीठातील स्वागत कक्षामध्ये दि.२० फेब्रुवारी रोजी बाळशास्त्री जांभेकर यांची जयंती साजरी करण्यात आली. विद्यापीठाचे प्र-कुलगुरू डॉ. जोगेंद्रसिंह बिसेन यांनी बाळशास्त्री जांभेकर यांच्या प्रतिमेस पुष्पहार अर्पण करून अभिवादन केले. यावेळी रामदास खोकले, बबन हिंगे यांच्यासह विद्यापीठातील अधिकारी व कर्मचारी यांनी बाळशास्त्री जांभेकर यांच्या प्रतिमेस पुष्प अर्पण करून अभिवादन केले.
