नांदेडचे सुमारे ३० विद्यार्थी युक्रेनमध्ये फसले असून, आज परतलेल्या विद्यार्थ्यांमध्ये प्रशांत नरोटे, तेजस गायकवाड, संजीवनी वन्नाळीकर यांचा समावेश आहे. हे विद्यार्थी सुखरूप घरी परतल्यानंतर त्यांच्या व कुटुंबियांच्या डोळ्यात अश्रू तरळले होते.
याप्रसंगी उपस्थित असलेले पालकमंत्री अशोक चव्हाण यांनीही ट्वीटरवर आपल्या भावना व्यक्त केल्या. युक्रेनमध्ये फसलेले नांदेडचे काही विद्यार्थी आज सुखरूप परतले. त्यांच्या हालापेष्टा ऐकून मन व्यथित झालं. पण घरी परतल्याचा त्यांच्या व पालकांच्या चेहर्यावरील आनंद शब्दांत व्यक्त करण्या पलिकडचा होता, असे त्यांनी आपल्या पोस्टमध्ये नमूद केले आहे.
