हैराण झालेल्या नागरिकांनी घेतला सुटकेचा निश्वास
हिमायतनगर, अनिल नाईक| शहरात एका आक्रमक वानरांने श्री परमेश्वर मंदिर व परिसरात धुमाकूळ घातला. या वानरांनी ५ ते ६ जणांना जखमी करून सोडल्याने अनेकजण भीतीने आजारी पडले होते. हि बाब लक्षात घेता सैराट वानरांचा बंदोबस्त करण्यासाठी वनपरिक्षेत्र अधिकारी सौ संध्याताई डोके यांनी पिंजरा लावला. अखेर चौथ्या दिवशी धुमाकूळ घालणारे ते वानर पिंजऱ्यात अडकले आहे. हे समजताच वानरांच्या धुमाकुळानें त्रस्त झालेल्या नागरिकांनी सुटकेचा निश्वास सोडला असून, त्याला पाहण्यासाठी मंदिरात एकाच गर्दी झाली होती.
हिमायतनगर शहर परिसरात वानरांची टोळी दाखल झाली होती त्यात असलेल्या वानरांच्या मोरख्याने मंदिर आणि शहरासह परिसरात धुमाकूळ मोजावीला होता. येथील श्री परमेश्वर मंदिरात असलेल्या मोठा मोठ्या झाडावर राहून गावात फेर - फटका मारण्यासह नागरिकांकडून मिळेल ते खाऊन वानर निर्ढावले होते. त्यानंतर काहीच मिळत नसलायने सकाळी- सायंकाळी या वानरांनी धुमाकूळ घालायला सुरुवात केली. आणि आक्रमक होत नागरिकांवर हल्ला करणे त्यांना जखमी करून दहशत निर्माण केली होती. त्यामुळे नागरिक, बालके, महिला दिसल्यास त्यांना मारहाण करणे, घराच्या छतावरून उडी मारून घरातील साहित्याची नासधूस करणे, भाकर न देता हाकण्यासाठी आलेल्या महिला व पुरुषांच्या अंगावर धावून येणे, काही वयस्कर नागरिकांना या वानरांनी जखमी केले.
एवढेच नाहीतर श्री परमेश्वर मंदिरात काम करणारे कर्मचारी बंडू हरडापकर, साईनाथ ताटेवाड, देविदास हरडपकर या युवकांच्या अंगावर धावून येऊन जखमी केल्याने त्याना इजा झाली होती. त्यामुळे शेताकडे ये-जा करणाऱ्या महिला व शालेय, मुले, दर्शनार्थी येणाऱ्या महिला वर्गात भीतीचे वातावरण निर्माण झाले होते. ११ ते १२ वानरांचा समावेश असलेल्या या टोळीमुळे त्रस्त झालेल्या काहींनी तात्काळ वनविभागास माहिती देऊन या सैराट झालेल्या वानरांचा बंदोबस्त करा अशी मागणी केली. त्यावरून वनपरिक्षेत्र अधिकारी संध्याताई डोके यांनी शहरातील वनपाल खलसे, वनमजूर अहेमद, हादगावचे वनपाल अमोल कदम, यांच्यासह त्यांच्या टीमला पाठवून वानरांना जेरबंद करण्यासाठी पिंजरा लावला होता. अखेर आज दि. १४ डिसेंबर रोजी त्या आक्रमक वानरांच्या टोळीच्या मोरख्याला पिंजऱ्यात जेरबंद केल्याने इतर वानरे सैरवैर पाळावी आहेत. पकडण्यात आलेल्या त्या वनरास वनविभागाने निर्मलाच्या जंगलात नेऊन सोडले असून, या वानरांचा बंदोबस्त झाल्यामुळे शहरातील नागरिकांना सुखाची झोप घेता येणार आहे.
