हिमायतनगर| येथील रेल्वे स्थानकावरून प्रवाश्यांची मोठ्या प्रमाणात ये -जा सुरु असते. हि बाब लक्षात घेता हिमायतनगर येथील स्थानकावरून सकाळच्या आदिलाबाद - परळी वैजनाथ पेसेंजरने जाणाऱ्या प्रवाश्याना परभणीच्या पुढील स्थानकांचे थेट तिकीट देण्यात यावे अशी मागणी रेल्वे संघर्ष समितीचे गौतमचंद पिंचा यांनी केली आहे.
हिमायतनगर हे शहर तेलंगणा, विदर्भाच्या मध्यावधीत आहे. त्यामुळे येथून दूरदूरवर ये-जा करणाऱ्या प्रवाश्यांची तोबा गर्दी होत असते. मात्र या ठिकाणी प्रवाश्याना म्हणाव्या तश्या सुविधा मिळत नाहीत, कोरोना काळ संपल्यानंतर जनजीवन सुरळीत झाल्याने नुकतेच आदिलाबाद - परळी वैजनाथ पेसेंजर रेल्वे सुरु झाली आहे. त्यामुळे प्रवाश्याना कमी खर्चात प्रवासाची सोय झाली आहे. हि रेल्वे हिमायतनगर रेल्वे स्थानकावरून सकाळी ५.३० वाजता जात असल्याने दूरच प्रवास करणारे प्रवाशी ये रेल्वे जात आहेत. मात्र येथील रेल्वे तिकीट काऊंटरवर सकाळच्या पेसेंजर रेल्वेने जाणाऱ्या प्रवाश्याना परभणीच्या पुढील गावी म्हणजे जालना, परतूर सेलू, औरंगाबाद आदी ठिकाणचे तिकीट दिले जात नाही. त्यामुळे प्रवाश्याना मोठी अडचण निर्माण होत असून, रेल्वे विभागाच्या या कारभाराबाबत प्रवाशी वर्गातून नाराजी व्यक्त होत आहे.
हि बाब लक्षात घेता रेल्वे विभागाने हिमायतनगर रेल्वे स्थानकावरून औरंगाबादला जाणाऱ्या प्रवाश्यांची सोयीसाठी हिमायतनगर रेल्वे स्थानकावरून जालना, परतूर सेलू, औरंगबाद येथील तिकीट द्यावे अशी मागणी रेल्वे संघर्ष समितीचे गौतमचंद पिंचा यांनी केली आहे. कारण परभणी रेल्वे स्थानकावर उतरताच औरंगाबादकडे जाणाऱ्या रेल्वेत चढण्यासाठी प्रवाश्याना वेळ लागतो. त्या वेळेत स्थनाकावरून तिकीट घेऊन रेल्वेत चढणे अवघड बनले असून, अनेकदा रेल्वे निघून जाते आहे. परिणामी प्रवाश्याना दुसऱ्या गाडीची वाट पाहत येथे ताटकळत बसावे लागते आहे. या त्रासापासून प्रवाश्याना दिलासा देण्यासाठी हिमायनगरहून थेट परभणीच्या पुढील स्टोपेजचे डायरेक्ट तिकीट दिल्यास प्रवाश्याना सोईचे होईल आणि हिमायतनगर रेल्वे स्टेशनचे उत्पन्न वाढेल असेही त्यांनी म्हंटले आहे.
नंदीग्राम एक्सप्रेसचे तिकीट काउंटर सुरु करा
हिमायतनगर येथील स्थानकावरून अनेकजण नागपूर, मुंबईसह विविध मोठ्या शहराला जाणारे नागरिक आहेत. मात्र नंदीग्राम रेल्वेचा येथे स्टोपेज असताना देखील प्रवाश्याना तिकीट काउंटर बंद असल्याने ऑनलाईन तिकीट काढून प्रवास करावा लागतो आहे. काही नागरिकांचा अचानक प्रवास ठरतो त्यांना ऑनलाईन तिकीट घेता येत नाही, त्यामुळे रेल्वेत प्रवास करताना टीसीकडे पावती फाडून प्रवास करावा लागतो. मात्र टीसी कधी पावती देतात कधी प्रवाश्याकडून रक्कम घेऊन खिश्यात ठेवतात. त्यामुळे प्रवास करणाऱ्या नागरिकांचा फायदा रेल्वे विभागाला न होता मोठी पगार घेऊन टीसीची नौकरी करणार्यांना होतो आहे. यामुळे रेल्वेचे नुकसान होऊन प्रवाश्यांची गैरसोय होत आहे. हि बाब लक्षात हिमायतनगर येथील रेल्वे स्थानकावर नंदीग्राम एक्सप्रेसचे तिकीट काउंटर सुरु करावे अशीही मागणी प्रवाशी करत आहेत.
