NEWS FLASH १) पाण्यात बुडाल्याने तीन शालेय विद्यार्थ्यांचा मृत्यू,.....२) स्वस्त धान्य दुकानदार अपंगांची फसवणूक करीत आहे,......३) खतांचा पुरवठा त्वरित करा, अन्यथा भाजपच्या वतीने जनआंदोलन - संदीप केंद्रे,.....४) राज्याचा दहावीचा निकाल 95.30 टक्के दरवर्षी प्रमाणे मुलींची बाजी,...५) 1 लाख 72 हजारांच्या दागिन्यांसह चोरटा स्थागुशाने पकडला,.....६) लग्नाचे आमिष दाखवून अत्याचार करणार्‍यावर गुन्हा दाखल,.....७) कॉन्वेजीनियसचा १०० दशलक्ष विद्यार्थ्यांना उच्च दर्जाचे शिक्षण देण्यासाठी पुढाकार,.....८) कोरोना बाधितांचा मृत्यूदर रोखण्यासाठी घरनिहाय सर्वेक्षणावर भर - डॉ. विपीन,....९) कोरोना विषाणूने दीड शतकाजवळ दिले नवीन रुग्ण, आज १३४ बाधीत रुग्ण; नांदेड शहरात ४६; ग्रामीण भागात ८८,.....१०) साहित्य सम्राट लोकशाहीर अण्णाभाऊ साठे यांना भारतरत्न पुरस्कार द्यावा, ..., **

गुरुवार, 23 नवंबर 2017

50 लाखांची फसवणुक करणाऱ्या बंटी - बबलीपैंकी बंटीला अटक

नांदेड (रामप्रसाद खंडेलवाल) नांदेडमधील 14 जणांना वीज वितरण कंपनीमध्ये नौकरी लावतो म्हणून 50 लाखांची फसवणुक करणाऱ्या नाशिक येथील एका भामट्याने आज सायंकाळी 6 वाजता भाग्यनगर पोलिस ठाण्यात आत्मसमर्पन केले आहे. जिल्हा न्यायालय आणि उच्च न्यायालय औरंगाबाद यांनी त्यांचा अटकपुर्व जामीन अर्ज नामंजुर करून पोलिस ठाण्यात हजर होण्यास सांगितले होते.

दि. 9 ऑगस्ट 2017 रोजी नांदेडच्या भाग्यनगर पोलिस दिगंबर माधवराव पांचाळ यांच्यासह 14 तक्रारदारांनी अशी तक्रार केली होती की, नाशिक येथील नवलचंद मदनलाल जैन आणि त्यांच्या पत्नी आशा या दोघांनी त्या 14 जणांच्या मुलांना महाराष्ट्र राज्य वीज वितरण कंपनीमध्ये नौकरी लाऊन देतो असे सांगून बंटी-बबली प्रकारची भुमिका वठवली. त्या भुमिकेला ते लोक बळी पडले कोणी 3 लाख, कोणी 2 लाख, कोणी 1 लाख असे रूपये त्या बंटी-बबलीला दिले आणि आपल्या मुलांना महाराष्ट्र वीज वितरण कंपनीमध्ये नौकरी लागेल याची वाट पाहत बसले. पण असे काही घडले नाही आणि त्यामुळे या सर्वांनी पोलिस ठाण्यात तक्रार दिली.

भाग्यनगर पोलिसांनी या प्रकरणी फसवणुकीचा गुन्हा दाखल केला आणि बंटी-बबली असल्याने जैन पती-पत्नीचा शोध सुरू केला. भाग्यनगर पोलिस स्टेशनचे पोलिस निरीक्षक चंद्रशेखर कदम यांच्या मार्गदर्शनात सहायक पोलिस निरीक्षक आर.जी. सांबळे यांनी दोनदा नाशिक गाठले आणि जैन पती-पत्नीचा शोध घेतला. पण हे दोघे बंटी-बबली त्यांना सापडले नाहीत. या दोन्ही बंटी-बबलीने नांदेडच्या जिल्हा न्यायालयात आपल्याला अटकपुर्व जामिन मिळाला यासाठी अर्ज सादर केला. जिल्हा न्यायालयाने या प्रकरणातील 50 लाखांची फसवणुक पाहता त्यांचा अटकपुर्व जामीन अर्ज नामंजुर केला. यानंतर या बंटी-बबलीने म्हणजेच नवलचंद मदनलाल जैन आणि आशा नवलचंद जैन यांनी मुंबई उच्च न्यायालयाच्या औरंगाबाद खंडपीठात आपल्याला अटकपूर्व जामीन मिळण्यासाठी अपील केली. पण उच्च न्यायालयाने त्यांना अटकपुर्व जामीन तर दिलाच नाही उलट त्यांना पोलिस ठाण्यात हजर होण्याच्या सूचना केल्या. 

वीज वितरण कंपनीमध्ये शिपाई पदासाठी 3 लाख, लिपीक पदासाठी 4 लाख आणि कनिष्ठ अभियंता पदासाठी 8 लाख रूपये असा दर या बंटी-बबलीने काढला होता. 20 जागा भरण्याचा कोठा आपल्याला मिळाला आहे आणि तो आपण भरणार आहोत असे सांगितले. आपली फसवणुक झाल्याचे कळाल्यावर फसवणुक झालेल्यांनी बंटी-बबलीला गाठले त्यांनी पैसे तर  दिले नाही पण या सर्व 14 जणांना धनादेश दिले. ते धनादेश वठले नाहीत आणि आपण फसवले गेल्याचे निश्चित झाल्यानंतर या सर्वांनी पोलिस ठाणे गाठले आणि बंटी-बबलीविरूद्ध फसवणुकीचा गुन्हा दाखल झाला. आता हा आरोपी अटक केल्याच्या माहितीला सहायक पोलिस निरीक्षक आर.जी. सांगळे यांनी दुजोरा दिला असून उर्वरित प्रक्रिया न्यायालयात उद्या होणार आहे.

कोई टिप्पणी नहीं:

वाचकांना निवेदन

नांदेड न्युज लाईव्ह हि वेबसाईट सुरु करून आम्ही अल्पावधीतच मोठ्या प्रमाणात प्रसिद्धी मिळउन नांदेड जिल्ह्यात पहिल्या क्रमांकावर आलो आहे.मराठी पत्रकारितेच्या क्षेत्रातील ताज्या घडामोडी क्षणात देणे, चांगल्या कार्याच्या बाजूने ठामपणे उभे राहाणे, सामाजिक कार्याच्या नावाखाली नको ते धंदे करणा-यांना उघडे करणे, एवढा ऐकमेव उद्देश आमचा आहे.
नांदेड न्युज लाइव्ह वेबपोर्टल ११ एप्रिल २०१
गुढीपाडव्याच्या शुभ मुहूर्तावर सुरु करण्यात आले आहे. या वेब पोर्टलवर वाचकांना निर्माण होणार्या समस्या दूर करण्यासाठी आम्ही नांदेड न्युज लाईव्ह हा ब्लॉग सुरू केलेला आहे. आम्ही कोणाचेही मित्र अथवा शत्रु नाही. यावर प्रसिद्ध झालेली अधिकृत माहितीचे वृत्त वाचा... विचार करा... सोडून द्या, ही आमची भूमिका आहे. यासाठी आम्हाला जेष्ठ पत्रकार स्व.भास्कर दुसे, सु.मा. कुलकर्णी यांची मार्गदर्शन लाभल्याने आम्ही हे पाऊल टाकले आहे. हे इंटरनेट न्यूज चैनल अथवा ब्लॉग सुरू करण्यामागे आमचा कोणताही वैयक्तीक स्वार्थ नाही. समाज कल्याणासाठी आम्ही हे काम हाती घेतले असून, आपल्यावर अन्याय होत असेल तर माहिती निसंकोचपणे द्यावी. माहिती देणार्यांचे नाव गुप्त ठेवण्यात येईल... भविष्यात वाचकांना आमच्याकडून मोठ्या शा आहेत. त्या पूर्ण करण्याचा आम्ही प्रामाणिक प्रयत्न करू...
anilmadaswar@gmail.com, nandednewslive@gmail.com