लोहा, शेतक-यांच्या पिक विम्याचे रक्कम कर्जात कपात करून घेतली जात आहे. नवीन पीक कर्ज वेळेत उपलब्ध करून न देता बॅंक कर्मचारी शेतक-यांसोबत दंडेलशाही करीत आहे.
यासाठी मंगळवारी बॅंक ऑफ इंडिया शाखा लोहा या बॅंकेसमोर जि.प.चे माजी उपाध्यक्ष तथा राष्ट्रवादीयुवक कॉंग्रेसचे सरचिटणीस दिलीपदादा धोंडगे यांच्या नेतृत्वाखाली शेतक-याचे आंदोलन करणार आहेत. जिल्हा परिषदेचे माजीउपाध्यक्ष दिलीपदादा धोंडगे यांनी लोह्यातील बॅंक ऑफ इंडिया शाखेच्या व्यवस्थापकांना लेखी निवेदन दिले. बॅंकेनी पीक विम्यातून कर्ज कपाती करून घेवू नये तसेच नवीन कर्ज तातडीने द्यावे या व अन्य मागण्यासाठी आज मंगळवारी बसस्थानका समोरील बॅंके समोर अन्यायग्रस्त शेतक-यांसह दिलीपदादा आंदोलन करणार आहेत. तेव्हा शेतकरी यात मोठ्या संख्येनी सहभागी होणार आहेत असे सांगण्यात आले.