अखिल भारतीय विद्यार्थी परिषदेच्या वतीने स्वामी रामानंद तीर्थ मराठवाडा विद्यापीठात दाभोलकर यांना श्रद्धांजली
नांदेड(प्रतिनिधी)अखिल भारतीय विद्यार्थी परिषदेच्या वतीने आज स्वामी रामानंद तीर्थ मराठवाडा विद्यापीठ नांदेड येथे अंधश्रधा निर्मुलन समितीचे अध्यक्ष व "साधना" मासिकाचे संपादक,जेष्ट विचारवंत डॉ.नंरेंद्र दाभोलकर यांचा निर्घुण हत्त्येचा निषेध व्यक्त करून श्रद्धांजली अर्पण केली.काल पुण्यात घडलेल्या या दुर्देवी घटनेचा अभाविप च्या वतीने तीव्र शब्दात निषेध व्यक्त करत विचारांची लढाई हि विचारांनी करायला हवी.राज्य सरकारने हल्लेखोरांचा त्वरित शोध घेऊन हल्लेखोरांना कडक शिक्षा करावी.
पुरोगामी महाराष्ट्रात सामजिक कार्यकर्ते, माहिती अधिकार चळवळीतील कार्यकर्ते,पत्रकार यांची हत्त्या,हल्ले या सारखे प्रकार घडले आहेत. यांचा कुठे पर्यंत तपास झाले,हल्लेखोर मोकाट फिरत आहेत.एकूणच सर्वसामान्य जनतेची सुरक्षा करण्यात सरकार गंभीर दिसत नाही, अभाविप निषेध व्यक्त करत आहे.
यावेळी विद्यापीठातील अभाविपचे कार्यकर्ते नवीन कौडगे,आशिष चौधरी,ईशान बंग,अपर्णा रुद्रवार,शैलेंद्र तेहरा,श्रीकांत साखरे,प्रफुल्ल अग्रवाल,अविनाश वांद्रे,विलास नेवकर,प्रशांत दरगु,सागर खेडकर,उमाकांत पावडे,महेश घुंगरे,व्यंकटेश मुंडे, संतोष गच्छे,कुलदीप परदेशी, अविनाश खराने.संगणकशास्त्र संकुल,व्यवस्थापन व वाणिज्य संकुल चे अनेक विद्यार्थी कार्यकर्ते उपस्थित होते.
