शिवणी, प्रकाश कार्लेवाड| किनवट तालुक्यातील मौजे चिखली ( ई ) येथील अंगणवाडी सेविकेने दि.१० ऑक्टोबर रोजी सनदा माता व ० ते ३ वयोगटातील बालकांना वाटप करायचा खाऊ आणि पोषण आहार भरदिवसा टेम्पोमध्ये भरून विक्री करण्यासाठी नेत असताना गावकऱ्यांनी टेम्पोचा पाठलाग करून सदरील टेम्पो मध्ये असलेला मुद्देमाल व अंगणवाडी सेविकेस शिवणी येथे रंगेहात पकडून संबधित विभागाच्या वरिष्ठांना माहिती चिखली येथील गावकऱ्यांनी कळविले.
तेलंगणाच्या सीमेवर असलेल्या अतिदुर्गम भागातील किनवट तालुक्यातील चिखली (ई ) येथील अंगणवाडी सेविकेने दि. १०/१०/२०२२ रोजी दुपारच्या वेळी गावात कोणी नसल्याचे बघून आपल्या माहेरचा टेम्पो बोलावून घेऊन त्यात अंगणवाडी मार्फत वाटप होणारा पोषण आहार परस्पर विक्री करण्यासाठी एम.एच.२६ एडी ६८११ मध्ये गहू, तांदूळ, मिरची पावडर, साखर, हळद, तेल, मुगाची दाळ, बेबी केयर किट यासह इतर अनेक वस्तू मोठया प्रमाणात गाडीत भरून शिवणी मार्गे इस्लापूर दिशेने जात असताना चिखली (इ) गावातील काही तरुणांनी सदरील टेंम्पोचा पाठलाग करीत शिवणी येथील बस स्टँड येथे रंगेहात पकडण्यात आला. तेव्हा अंगणवाडी सेविकेने चिखली ( ई ) येथील तरुणांशी हुल्लड बाजी करत अरेरावीची भाषा वापरत शिवीगाळ केली व हा पकडलेला टेम्पो तात्काळ सोडा अन्यथा तुमच्यावर विविध आरोप लावून तुमच्यावर गुन्हे दाखल करते अशी भीती दाखवली.
हा माल अफरातफरी करणाऱ्या चिखली (ई ) येथील सेविकेला बडतर्फ करण्याची लेखी पत्राद्वारे मागणी केली करिता वरिष्ठांनी या विषयाकडे लक्ष केंद्रित करून सदरील अंगणवाडी सेविका मार्फत वाटप होणाऱ्या पोषण आहाराची चौकशी करून सदरील अंगणवाडी सेविका वर कारवाई करावी अशी चिखली (ई ) गावाकऱ्याकडून मागणी केली असून या प्रकरणी सदरील अंगणवाडी जात असून अंगणवाडी सेविकेवर वरिष्ठ अधिकारी काय कार्यवाई करतील या कडे गावकऱ्यांचे उत्सुकतेने लक्ष लागले आहे.
लाभार्त्यांना वंचित ठेवून सदरील पोषण आहार परस्पर अफरातफरी करणाऱ्या अंगणवाडी सेविकेला टेम्पोत असलेल्या मुद्दे मालासह पकडणारे चिखली (ई ) येथील ग्रामपंचायत सदस्य अजय वाघमारे, दिनेश वाघमारे, जगदीश वाघमारे, गंगाधर झरिवाड, नितीन वाघमारे, अंजना नागेश गटुवाड , अंजना लक्ष्मन खुपसे, बालाजी खरोडे, बाबू पांडुरंग आंबटवार, प्रवीण व्यंकटेश झरीवाड,यांनी पाठलाग करत टेम्पोला पकडल्याने चिखली येथील गावकऱ्याकडुन सर्व तरुणांचे कौतुक केले जात आहे.
दि.१० ऑक्टोबर रोजी दुपारी चिखली (इ) येथील अंगणवाडी सेविकेने प्रकल्प कार्यालय अंतर्गत येणाऱ्या पोषण आहाराचा माल परस्पर अफरातफरी करत असताना गावीतील काही तरुणांनी मुद्देमाल सह टेम्पो पकडला असे फोनद्वारे माहिती कळाल्याने मी तात्काळ त्या कार्यक्षेत्र अंतर्गत येणाऱ्या पर्यवेक्षिका यांना घटना स्थळी पाठवून पंचनामा करण्याचे आदेश दिले होते.सदरील अहवाल माझ्याकडे आले असून.असा प्रकार मागील अनेक दिवसांपासून घडत आहे असे गावकऱ्यांचे म्हणणे आहे.करीता संबधित अंगणवाडी सेविकेला मागील अनेक महिन्याच्या पासून पुरवठा होत असलेल्या पोषण आहाराचे चौकशी करण्यासाठी विविध विभागातील व आमच्या विभाच्या एकूण पाच सदस्यांची समिती गठन करून संपूर्ण चौकशी करण्यात येईल चौकशीचा अहवाल येताच संबंधितावर पुढील करवाई करू. .अशी माहिती आश्विनी ठक्करोड बाल विकास प्रकल्प अधिकारी किनवट.
