नांदेड| राज्याच्या काही भागात उशिराच्या मान्सूनमुळे काही शेतकऱ्यांना अद्यापही आपली ई-पीक पाहणी पूर्ण करता आलेली नाही. पीक पाहणी नोंदणी प्रक्रियेत शेतकऱ्यांचा सक्रिय सहभाग, कृषि पतपुरवठा धारण आणि नैसर्गिक आपत्तीमुळे पिकांच्या झालेल्या नुकसानीची अचूक भरपाई लक्षात घेऊन योग्य प्रकारे मदत करणे शक्य व्हावे यासाठी ई-पीक पाहणी पारदर्शक करण्यात आली आहे.
याचा साकल्याने विचार करून खरीप हंगाम 2022 च्या शेतकरी स्तरावरील ई-पीक पाहणीची कालमर्यादा 22 ऑक्टोंबर 2022 पर्यंत वाढचिण्याचा निर्णय घेण्यात आला आहे. जिल्ह्यातील सर्व शेतकऱ्यांनी त्यांच्या शेतातील खरीप हंगामाची ई-पीक पाहणी निर्धारीत कालावधीमध्ये पूर्ण करण्याचे आवाहन जिल्हा प्रशासनातर्फे करण्यात आले आहे.
