लोहा| "मन्याड दर्पण ' साप्ताहिकाच्या प्रथम विशेषांक प्रकाशन सोहळा माळाकोळी येथे गांधी जयंती दिनी 2 आक्टोबर रोजी आ. श्यामसुंदर शिंदे यांच्या हस्ते सायंकाळी पाच वाजता शिवाजी चौक माळाकोळी येथे होणार आहे. युवा संपादक विनोद मस्के यांनी सोशल मीडियाच्या काळात मोठ्या धाडसाने आपले स्वतंत्र साप्ताहिक असावे. याची स्वप्नपूर्ती करत ग्रामीण वाचन व पत्रकारिता याना वाव देण्याचा त्याचा प्रयत्न आहे.
साप्ताहिक मन्याड दर्पणच्या पहिल्या अंकाचे विमोचन लोहा -कंधारचे आमदार श्यामसुंदर शिंदे यांच्या हस्ते २ ऑक्टोबर रोजी होणार आहे. कार्यक्रमाच्या अध्यक्षस्थानी माळाकोळी गावाच्या प्रथम नागरिक वैष्णवीताई मोहनकाका शुर या राहणार आहेत. प्रमुख अतिथी म्हणून माजी सभापती तथा युवा नेते प्रविण पाटील चिखलीकर, माजी जिल्हा परिषद उपाध्यक्ष दिलीप दादा धोंडगे माजी सभापती संजय पाटील कराळे, माजी जिल्हा परिषद सदस्य चंद्रमुनी मस्के, शिवसेना युवा नेते नवनाथ चव्हाण.
माजी उपनगराध्यक्ष शरद पाटील पवार जेष्ठ पत्रकार सुरेश जोंधळे, जेष्ठ पत्रकार हरिहर धुतमल, प्रा. संजय बालाघाटे, जिल्हा उपाध्यक्ष युवा मोर्चाचे जिल्हा उपाध्यक्ष परमेश्वर मुरकुटे, मोहनकाका शुर, उपसरपंच निखिल मस्के, जेष्ठ पत्रकार मनोहर जोंधळे (नांदेड,) माजी सरपंच माधवराव कांबळे, युवा नेते कृष्णा केंद्रे, लोहा पत्रकार संघाचे अध्यक्ष अहमद शेख, देवस्थान कमिटी अध्यक्ष सखाराम तिडके, माजी सरपंच केशवराव मस्के, यांची उपस्थिती लाभणार आहे. या कार्यक्रमास उपस्थित राहण्याचे आवाहन संयोजक संपादक विनोद रघुनाथ मस्के व माळाकोळी मराठी पत्रकार संघाच्या वतीने करण्यात आले आहे .
