लोहा| राज्यात झालेल्या राज्यसभा निवडणुकीत माजी मुख्यमंत्री देवेंद्र फडणवीस यांच्या नेतृत्वाखाली भाजपचे तीन खासदार राज्यसभेवर निवडून गेले. अडीतडीच्या सहाव्या जागेवर भाजपाने विजय मिळविला त्याचा जल्लोष लोह्यात भाजपा कार्यकर्त्यांनी शहराध्यक्ष माजी नगराध्यक्ष किरण वटटमवार यांच्या नेतृत्वाखाली फटाके वाजवून जल्लोष साजरा केला.
जिल्ह्याचे खा प्रतापराव पाटील चिखलीकर यांच्या नेतृत्वाखाली लोहा कंधार तालुक्यात भाजपची ताकद वाढली आहे.युवा नेते प्रवीण पाटील चिखलीकर यांनी बूथ कमिटी प्रभावी करण्यावर भर दिला आहे. विरोधी पक्षनेते देवेंद्र फडणवीस यांचे बुद्धी चातुर्य व राजकीय डावपेच सताधारी मविआ सरकारला आत्मचिंतन करायला भाग पडणारे ठरले. राज्यसभा निवडणूकीत पक्षाने मिळविलेल्या विजया बद्दल लोहा शहर भाजपा च्या वतीने फटाके वाजवून जल्लोष केला.
भाजपा शहराध्यक्ष व माजी नगराध्यक्ष किरण वटटमवार यांच्या नेतृत्वाखाली हा जल्लोष करण्यात आला माजी उपनगराध्यक्ष केशवराव मुकदम, माजी नगराध्यक्ष छत्रपती धुतमल, नगरसेवक भास्कर पाटील पवार, दता शेटे, बालाजी कळकेकर, पिराजी पवार,बाळु पवार,अनिल धूतमल,बाळु कोकुरले, आदी कार्यकर्ते उपस्थित होते पक्षाने घवघवीत यश संपादन केलं त्या बद्दल नबी शेख लाला यांना पेढा भरवून आनंद व्यक्त करण्यात आला.
